Ayub 3:19 - Motingʼo Loko Manyien

¹⁹ Jomatindo gi jomadongo ni kuno kata wasumbini bende bedo maonge e bwo chik.

MUMA MALER 2015

¹⁹ Ji mopogore opogore ni kanyo, ei liel, joma dongo gi joma tindo machalre, ma kata mana wasumbni bende bedo maonge e bwo chik.

Ayub 3:19 ပူးပေါင်းရင်းမြစ်များ

Ayub 21:26

Kata kamano giduto iyikogi machalre e lowo kendo kute nur kuomgi machalre.

Ayub 21:33

Sa ma idhi yike to ji duto kowe, kendo lowo lwar kuome mos.

Ayub 3:18

Joma ni e twech kuno bende winjo maber; nikech gionge gi nyapara ma chikogi kuno.

Ayub 3:20

“Angʼo momiyo ichiwo ngima ne joma winjo malit, kod ngima ne joma chunygi lit,

Ayub 30:23

Angʼeyo ni ibiro tera nyaka e tho, nyaka kama ochan ne joma ngima duto.

Zaburi 49:2

un joma odhier kod joma idew, jo-mwandu gi jodhier machalre:

Eklesiastes 12:5

Ji noluor kuonde motingʼore gi malo kendo wuoth nobednigi matek e wangʼ yore. Maua mar oyungu thiewo kendo ongogo lak mondo odhi ocham it yien-no, to oyudo ka it yien-no onge gi ndhandhu. Kamano e kaka dhano dhiyo e dalane mosiko ka joywak to dengo e wangʼ yore.

Eklesiastes 12:7

e kinde ma lowo dok kuom lowo, to chuny dok ir Nyasaye mane ochweye.

Eklesiastes 8:8

Onge ngʼama nigi teko ewi yamo mondo ochike, omiyo onge ngʼama nigi teko e odiechieng thone. Mana kaka jalweny ok mi thuolo mar yweyo e kinde mag kedo, e kaka joricho bende ok yud thuolo kuom timbegigo.

Jo-Hibrania 9:27

Mana kaka ochan ni dhano nyaka tho dichiel kende to bangʼe Nyasaye yale,