Ayub 3:17 - Motingʼo Loko Manyien

¹⁷ Kuno joma timbegi richo weyoe timbegigo, kendo kuno joma ool yudoe yweyo.

MUMA MALER 2015

¹⁷ nimar ei liel ema joma richo weyoe timbegi mag mahundu, kendo jotich mool bende yudoe yueyo.

Ayub 3:17 ပူးပေါင်းရင်းမြစ်များ

Ayub 14:13

“Mad ne ipanda ei liel mondo ne abed maonge nyaka chop mirimbi rum, bangʼe to iket kinde ma ibiro parae kendo!

Ayub 17:16

Bende dodhi piny nyaka e dhorangeye mag tho? Koso bende dwalor kode nyaka ei lowo?”

Ayub 3:16

Koso angʼo mane omono panda ei liel ka nyathi monywol kosetho, kata ka nyathi mayom mane ok oneno ler mar odiechiengʼ?

Ayub 3:18

Joma ni e twech kuno bende winjo maber; nikech gionge gi nyapara ma chikogi kuno.

Eklesiastes 4:2

Kendo ne angʼado ni joma ne osetho moyiki, gin johawi moloyo joma pod ngima.

Eklesiastes 9:6

Hera margi, achaya margi kod nyiego margi noselal chon; ok ginichak gibed gi thuolo e gimoro amora matimore e piny.

Mathayo 10:28

Kik uluor jogo manego ringruok to ok nyal nego chuny. To ngʼama onego uluor en Jal manyalo tieko chuny kaachiel gi ringruok e gehena.

Luka 12:4

“Awachonu osiepena, kik uluor jogo manego ringruok to bangʼe onge gima ginyalo medo timo.

Jo-Hibrania 4:11

Kuom mano, watemuru matek kaka wanyalo mondo wadonji e yweyono, mondo kik ngʼato podhi kuom luwo ranyisi marach mar wich teko.

Jo-Hibrania 4:9

Kuom mano, odiechieng yweyo mar Sabato pod nitie ne jo-Nyasaye;

2 Petro 2:8

(nikech ne en ngʼat makare, chunye ne chande malit kane oneno timbe maricho ma tiengʼ mane odakgo timo pile ka pile);

Fweny 14:13

Eka nawinjo dwol moa e polo kawacho niya, “Ndik ni: Chakre kawuononi, jogo gin joma ogwedhi matho kogeno kuom Ruoth!” Roho bende wacho ni, “Ee, gin johawi adier, nikech giniywe kuom tichgi matek, nimar timbegi noluwgi.”

1 Samuel 28:19

Jehova Nyasaye dhi chiwo jo-Israel kaachiel kodi ni jo-Filistia, kendo kiny in kod yawuoti unubed koda. Jehova Nyasaye biro chiwo jolweny mag Israel ni jo-Filistia.”