Ayub 3:16 - Motingʼo Loko Manyien

¹⁶ Koso angʼo mane omono panda ei liel ka nyathi monywol kosetho, kata ka nyathi mayom mane ok oneno ler mar odiechiengʼ?

MUMA MALER 2015

¹⁶ kata ka nyithindo monywol kosetho,

Ayub 3:16 ပူးပေါင်းရင်းမြစ်များ

Ayub 10:19

Mad ne kik nywola, ka ok kamano to ne onego nywola ka asetho kendo chom koda bur tir!

Ayub 3:15

kaachiel gi joloch mane nigi dhahabu, kendo mane opongʼo utegi gi fedha.

Ayub 3:17

Kuno joma timbegi richo weyoe timbegigo, kendo kuno joma ool yudoe yweyo.

Zaburi 58:8

Mana kaka ndach kamnie maleny nono, kendo mana kaka nyathi monywol kosetho, mad kik gine wangʼ chiengʼ.

Zaburi 58:9

Kapok agulni magi ochako winjo liet mach, bed ni en mach mabebni kata maliel mos, to joma timbegi richo ibiro ywe oko.

Eklesiastes 4:3

To joma johawi moloyogi duto, gin jogo ma pod ok onywol, ma pod ok oneno richo mitimo e bwo wangʼ chiengʼ.

Eklesiastes 6:3

Ngʼato nyalo bedo kod nyithindo mia achiel kendo odak higni mangʼeny; to kata bed ni odak mangʼeny maromo nade, ka ok onyal yudo mor kuom mwandune kendo ok oike maber ka otho, to awacho ni nyathi monywol kosetho ber moloye.

1 Jo-Korintho 15:8

eka achien mogik, ne ofwenyorena apoya an bende, mana ka nyathi mobwogi.