Ayub 29:25 - Motingʼo Loko Manyien

²⁵ An ema ne anyisogi yo monego gilu kendo nabedo kaka ruodhgi; ne achalo ruoth e dier jokedo mage; bende ne achalo ngʼat mahoyo joma ywak.”

MUMA MALER 2015

²⁵ An ema ne abedo jatendgi, mi agolo chike, mana ka ruoth ma otelo ni joge mag lweny, kendo ne ahoyogi kane chunygi onyosore.

Ayub 29:25 ပူးပေါင်းရင်းမြစ်များ

Chakruok 41:40

Abiro keti jatend od ruoth kendo joga duto biro winjo chikni kendo kom duongʼ mar ruoth ema nobed maduongʼ moloyi.”

2 Samuel 5:2

E ndalo mokadho, kane pod Saulo ruodhwa in ema ne itelo ni jo-Israel e lwenjegi. Kendo Jehova Nyasaye nowachoni niya, ‘In ema nibed jakwadh joga Israel, kendo inibed jatendgi.’ ”

Ayub 1:3

kendo ne en gi rombe alufu abiriyo, ngamia alufu adek, rweth pur mia abich, gi punde mia abich, kendo ne en gi jotich mangʼeny. Kuom mano, ne en ngʼat marahuma moloyo ji duto modak yo wuok chiengʼ.

Ayub 16:5

To dhoga dine ojiwou; kendo hoch mawuok e dhoga dine odwogo chunyu.

Ayub 29:24

Kane abwonjo kodgi to ne amako dhogi; kendo ler mane rieny koa e lela wangʼa, ne morogi ahinya.

Ayub 31:37

Dine anyise sigand ngimana kaka chalo; kendo dine adhi e nyime kaka ruoth.

Rapar mar Chik 33:5

En ema ne ruoth mar Jeshurun, ka jotend oganda ne ochokore, kaachiel gi dhout Israel.”

Jong’ad Bura 11:8

Jodong Gilead nodwoke niya, “Kata kamano, wabiro iri koro; bi kodwa mondo waked gi jo-Amon, kendo inibed jatendwa kaachiel gi jogo duto modak Gilead.”