Ayub 27:19 - Motingʼo Loko Manyien

¹⁹ Onindo ka en gi mwandu, to ochiewo gi lwete nono; ka wangʼe yawore nii to mwandune duto oserumo.

MUMA MALER 2015

¹⁹ Chieng’ moro nindo notergi kapod gimew, to ka gichiew, to giniyud ka mwandugi oselal.

Ayub 27:19 ပူးပေါင်းရင်းမြစ်များ

Chakruok 49:10

Ludh duongʼ ok noa e lwet Juda kata odunga mar teko ok noa e tiende, nyaka wuon loch ma biro rito ogendini duto chopi kendo luor mar ogendini nobed kuome.

Ayub 14:10

Dhano to tho kendo iike e bwo lowo; oyweyo mogik, kendo kare rumo chuth.

Ayub 20:5

ni tingʼruok ma joma timbegi richo tingʼorego rumo piyo, kendo mor mar joma okia Nyasaye ok bed amingʼa.

Ayub 21:30

ni ngʼama rach tony ka masira obiro kendo ni iresega chiengʼ mirima?

Ayub 24:24

Gineno maber kuom kinde matin kende to bangʼe gilal nono kadiemo wangʼ, kendo ichokogi mi giner ka buya mopudhi; kendo ingʼadogi oko mana kaka ingʼado wiye cham.

Ayub 30:23

Angʼeyo ni ibiro tera nyaka e tho, nyaka kama ochan ne joma ngima duto.

Ayub 7:21

Angʼo momiyo idagi ngʼwonona kuom ketho maga kendo itamori wena richoga? Nikech koro abiro tho machiegni; ibiro manya, to ok enonwangʼa.”

Ayub 7:8

Wenge makoro nena sani ok nochak onena kendo, gibiro dwara to ok gininena.

Ayub 8:22

Wasiki biro rwako wichkuot ka law, kendo miech joma timbegi richo ok nochak one kendo.”

Zaburi 58:9

Kapok agulni magi ochako winjo liet mach, bed ni en mach mabebni kata maliel mos, to joma timbegi richo ibiro ywe oko.

Ngeche 23:4

Kik iwe tich bari ndasi ni mondo ibed ja-mwandu, bed gi rieko mondo iritri.

Ngeche 23:5

Ngʼi mwandu mana matin nono, to bangʼe gidhi, nimar adiera gibiro bedo gi bwombe, kendo gifu gidhi e kor polo ka ongo.

Jeremia 8:2

Chokego noyar oko e nyim chiengʼ gi dwe kod sulwe duto manie polo mane gihero kendo tiyonegi ma bende negiluwo bangʼ-gi ka gipenjo rieko kendo lamogi. Ok nochokgi kata ikgi, to ginichal ka owuoyo manie lowo.

Mathayo 23:37

“Yaye Jerusalem, Jerusalem, in ma inego jonabi kendo ichielo joma oorni gi kite! Mano kaka asegombo amingʼa mondo achok nyithindi kaachiel, kaka gweno choko nyithinde e bwo bwombene, to ok useyie.

Mathayo 3:12

Odheru mare mar piedho cham ni e lwete, kendo obiro yweyo maler kare mar dino cham, kochoko ngano mage okano e dero, to mihudhi to owangʼo gi mach ma ok nyal negi.”