Ayub 27:16 - Motingʼo Loko Manyien

¹⁶ Kata jaricho chok fedha mangʼeny manade, kod lewni bende mangʼeny,

MUMA MALER 2015

¹⁶ Jaricho nyalo bet gi pesa mang’eny ka lowo, kendo nyalo bet gi lewni mogundho ma okia kar kwan-gi,

Ayub 27:16 ပူးပေါင်းရင်းမြစ်များ

1 Ruodhi 10:27

Ruoth nomiyo fedha obedo manwangʼo yot ka kidi akida Jerusalem kendo yiend sida ne ngʼeny mana ka yiend ngʼowu ma otwi e got.

Esta 8:1

Chiengʼno ruoth Ahasuerus nomiyo Esta mwandu mag Haman, jasik jo-Yahudi. Kendo Modekai nobiro e nyim ruoth, nimar Esta nosenyise ni en watne.

Ayub 15:29

Koro ok obi bedo gi mwandu, kendo gik ma en-go ok bi dongʼ ne nyikwaye.

Ayub 20:10

Nyithinde nyaka dwok gik mane okwalo kuom jodhier, adier nyithinde nyaka dwok mwandu mane omayo ji.

Ayub 22:24

kendo ka ikawo kitegi ma nengogi tek ka gima nono kendo ok ikwano dhahabu magi mabeyo mokuny Ofir ka gima gin lwendni manie rogo,

Ayub 27:15

Tuo noneg joma otony e lweny, kendo mon ma chwogi otho ma giweyo ok noywag-gi.

Ayub 27:17

to gik mochokogo joma kare ema biro rwako, kendo joma onge ketho nopogre mwanduge mag fedha.

Ayub 3:15

kaachiel gi joloch mane nigi dhahabu, kendo mane opongʼo utegi gi fedha.

Ngeche 13:22

Ngʼat maber weyo mwandu ne nyithind nyithinde, to mwandu jaricho okan ni joma kare.

Eklesiastes 2:26

Ngʼatno ma Nyasaye morgo, omiyo rieko, ngʼeyo kod mor, to jaricho omiyo tich mar choko kendo kano mwandu mondo omi ngʼatno ma Nyasaye morgo. Ma bende ne ayudo ni onge tiende, mana ka ngʼama lawo bangʼ yamo.

Habakuk 2:6

“To donge jogi biro kwede ka ngʼongʼone kendo jare kawacho niya, “ ‘Inine malit in ngʼama choko gik mokwal kendo mabedo ja-mwandu gi gige mecho. Nyaka karangʼo ma gigi nodhi nyime katimore?’

Zefania 1:11

Gouru nduru un joma odak e mier moluoro chiro, johala mau madongo duto ibiro yweyo oko, kendo ji duto maloko ohand pesa notiek pep.

Zekaria 9:3

Turo osegero kar pondo mare motegno; kendo osechoko fedha, gi dhahabu modhurore ka pith.

Mathayo 6:19

“Kik ukan mwandu ne un uwegi e piny kama olwenda gi nyal kethoe gik moko, kendo kama jokwoge turoe kendo kweloe.

Jakobo 5:2

Mwandu ma un-go osetop, kendo olwenda osechamo lepu otieko.