Ayub 26:13 - Motingʼo Loko Manyien

¹³ Muche ema nomiyo polo olendo; kendo lwete ema ne onegogo thuol mane oyudo ringo tony.

MUMA MALER 2015

¹³ Muche ema ne omiyo polo olendo, kendo lwete ema ne onego ondiek ma ne oyudo ringo tony.

Ayub 26:13 ပူးပေါင်းရင်းမြစ်များ

Chakruok 1:2

Koro piny ne onge kido kendo ne onge gimoro amora e iye. Mudho mandiwa noimo ataro mangʼongo kendo Roho mar Nyasaye ne wuotho ewi atarono.

Ayub 9:8

En owuon ema noyaro polo kendo en ema nonyono apaka madongo mag nam.

Zaburi 104:30

Ka ioro Roho mari, to gibedo mangima; kendo imiyo piny bedo gi ngima manyien.

Isaya 27:1

E kindeno, Jehova Nyasaye nokaw liganglane mabith, motegno kendo man-gi teko, mokumgo Leviathan, thuol malich mamol kendo monudore; motiek thuol malich mar nam.

Fweny 12:9

Eka thuol malichno nowit kidire mwalo e piny, thuol mangʼongo machon miluongo ni Jachien kata Satan, mawuondo piny ngima. Nowite modire e piny, kaachiel kod malaike mage bende.