Ayub 24:19 - Motingʼo Loko Manyien

¹⁹ Joricho lal nono e piny ma ji odakie, mana kaka pe leny ka chiengʼ rieny e ndalo oro.

MUMA MALER 2015

¹⁹ Jaricho duono nono e piny ma ji odakieni, mana kaka pe duono ka chieng’ rieny e ndalo oro.

Ayub 24:19 ပူးပေါင်းရင်းမြစ်များ

Ayub 21:13

Piny dhi kodgi maber higa ka higa, kendo githo ka gin gi kwe.

Ayub 21:23

Ngʼat moro tho ka pod otegno kodak maber kendo owinjo maber chuth,

Ayub 3:13

Nimar dikoro ayweyo gi kwe; kendo dikoro anindo kendo ayweyo,

Zaburi 49:14

Gichomo liete mokuny nigi mana kaka rombe kendo tho biro lokogi chiembe. Joma ngimagi oriere tir biro loyogi ka piny oru, to dendgi biro towo e liete, ka gin mabor gi utegi madongo machalo ute ruodhi.

Zaburi 68:2

Mad iriembgi gi dhi mabor, mana kaka yamo riembo iro tero mabor; mad joma timbegi richo lal nono e nyim Nyasaye mana kaka odok leny kowinjo mach.

Ngeche 14:32

Ka masira obiro, joricho itieko, to kata e tho ngʼat makare nigi kar pondo.

Luka 12:20

“To Nyasaye nowachone ni, ‘In ngʼat mofuwoni! Kawuono gotienoni wangʼ nokaw ngimani. En ngʼa mabiro kawo mago miseloso ne in iwuon?’

Luka 16:22

“Sa nochopo ma jakwechono notho kendo malaika notingʼe, otere e bath Ibrahim. Jamoko bende notho kendo noyike.