Ayub 24:11 - Motingʼo Loko Manyien

¹¹ Ji chunogi gitoyo zeituni kuonde ma gin ema gikunyo, kendo gibiyo olemb mzabibu to gin riyo negogi.

MUMA MALER 2015

¹¹ Gibiyo zeituni ka giloso mo, kendo gibiyo mzabibu ka gilosogo divai ka riyo negogi.

Ayub 24:11 ပူးပေါင်းရင်းမြစ်များ

Ayub 24:10

Giwuotho duk e gwengʼ nikech gionge lewni; gitingʼo ne ji chiemo to gin to kech negogi.

Ayub 24:12

Chur mar joma tho ochomo polo koa e dala maduongʼ kendo chunje joma ohinyore ywagore ka dwaro kony, to Nyasaye ok okum joma hinyogi.

Ayub 24:18

“To kata kamano gichalo buoyo moyienyo ewi pi malo; lopegi okwongʼ, maonge ngʼama rawo e puothegi mag mzabibu mi yudie olemo.

Isaya 16:10

Mor kod ilo norum chuth e puotheu mag olemo kendo onge wer mano wer kata koko manogo e puotheu mag mzabibu; bende onge ngʼato angʼata manochak obi mzabibu e kuonde mag bicho, nimar asetieko mahu mar mor ma un-go.

Jeremia 22:13

“Mano kaka none malit ngʼatno magero kare mar dak maonge ratiro, utene mamalo e yor mecho koketo jothurgi tiyo maonge chudo.

Rapar mar Chik 25:4

Kik utwe dho dhiangʼ kaywayo lodi ma idinogo cham.

Jakobo 5:4

To neuru pok uchulo misach jotich mane otiyonu e puotheu kendo ywak mag jokeyogo osechopo e it Jehova Nyasaye Maratego.