Ayub 23:13 - Motingʼo Loko Manyien

¹³ “En to ochungʼ kar kende, koso en ngʼa madipiem kode? Otimo gima en owuon ema ohero.

MUMA MALER 2015

¹³ Ok olokre, to bende onge ng’ama dipiem kode, kata ma ditame timo gima odwaro.

Ayub 23:13 ပူးပေါင်းရင်းမြစ်များ

Ayub 10:13

“To kata kamano, koro angʼeyo ni gik mane ni e pachi e magi:

Ayub 10:7

kata obedo ni ingʼeyo maber ni aonge ketho kendo ni onge ngʼama nyalo resa e lweti?

Ayub 11:10

“Ka onyalo biro sani mi otweyi e od twech kendo ochok bura mayali, en ngʼa ma disire?

Ayub 12:14

Gima omuko mogoyo piny ok nyal ger kendo; kendo ngʼat motweyo ok nyal gony.

Ayub 23:12

Pok aweyo mak aluwo chike mowuok e dhoge; to asekawo weche mowuok e dhoge kaka mwandu maduongʼ moloyo chiemba mapile.

Ayub 23:14

Obiro chopo gima nosechano chon, kendo pod en gi chenro machal kamago mokanona mathoth.

Ayub 34:29

Kata ka nenore ni olingʼ, to en ngʼa ma dingʼadne bura? Koso kopando wangʼe, to en ngʼa ma dinene? To kata kamano en ema orito ogendini

Zaburi 115:3

Nyasachwa ni e polo; otimo gimoro amora mohero.

Zaburi 135:6

Jehova Nyasaye timo gimoro amora mohero, e polo kendo e piny, ei nembe kendo e kudegi.

Ngeche 19:21

Dhano nigi chenro mangʼeny e chunye, to dwaro mar Jehova Nyasaye ema timore.

Eklesiastes 1:15

Gima odol ok nyal rie; kendo gima onge ok kwan.

Eklesiastes 3:14

Angʼeyo ni gimoro amora ma Nyasaye timo osiko manyaka chiengʼ, onge gima inyalo mede kata inyalo gol kuome. Nyasaye timo kamano mondo omi ji oluore.

Isaya 46:10

Anyiso giko mar gimoro mana e kinde mochakore, bende asebedo kahulo gik mapok otimore. Awacho ni: Gima awacho nyaka timre kendo abiro timo gimoro amora mahero.

Isaya 46:11

Koa yo wuok chiengʼ nakel winyo mager, koa e piny mabor anakel ngʼato machopo dwarona. Gima asewacho nyaka chop kare, gima asechano ema abiro timo.

Daniel 4:35

Ogendini duto manie piny ikwano ka nono. Otimo gima ohero ni ogendini mag polo kod ji manie piny. Onge ngʼama nyalo gengʼo tich lwete kata wacho niya, “Angʼo mitimoni?”

Jo-Rumi 9:19

To ngʼato kuomu nyalo nyisa niya, “Ka kamano to Nyasaye pod kwanowa kaka joketho nangʼo? Koso en ngʼa ma ditam dwarone timore?”

Jakobo 1:17

Mich moro amora maber kendo malongʼo aa malo e polo, koa kuom Wuoro manochweyo ler marieny e polo, kendo ma ok lokre ka tipo ma osiko kalokore.