Ayub 22:5 - Motingʼo Loko Manyien

⁵ Donge otimoni kamano nikech timbegi kod richo misetimo ngʼeny?

MUMA MALER 2015

⁵ Ooyo, okumi mana nikech isetimo richo mang’eny ahinya, kendo mana nikech timbeni maricho okadhore.

Ayub 22:5 ပူးပေါင်းရင်းမြစ်များ

Ayub 11:14

bende ka iweyo timo richo kendo ingʼado ni richo moro amora ok bed e dalani,

Ayub 11:6

mondo omi onyisi yore mopondo mag rieko, nimar rieko madier nigi rachne gi berne. To ngʼe ni Nyasaye wiye osewil kata mana gi richogi moko.

Ayub 21:27

“Angʼeyo maber gik ma uparo, angʼeyo gik muchano e chunyu mondo ukinyago.

Ayub 32:1

Omiyo ji adekgi noweyo dwokore gi Ayub, nikech noparo ni en ngʼama kare.

Ayub 32:2

To Elihu wuod Barakel ja-Buz, mane wuok e anywola mar Ram ne iye owangʼ gi Ayub nikech nopwoyore kende owuon kaka ngʼat makare, ka ok oweyo Nyasaye ema mondo opwoye.

Ayub 32:3

Iye nowangʼ bende gi osiepe Ayub adek nikech negisiko mana ka gingʼado ne Ayub bura, to kata obedo nine oonge ketho.

Ayub 36:17

Sani to koro eri iyudo kum maromre gi joricho; nimar kum kod adiera oketi diere.

Zaburi 19:12

En ngʼa manyalo ngʼeyo kethone mopondo? Wena kethoga mopondo.

Zaburi 40:12

Nikech chandruok mokalo akwana olwora; richona osejuka kendo ok anyal neno. Gingʼeny moloyo yie wiya, kendo chunya onyosore gie iya.