Ayub 22:27 - Motingʼo Loko Manyien

²⁷ Inilame kendo enowinji, kendo inichop singruok duto mane itimo.

MUMA MALER 2015

²⁷ Ka ilemo, to obiro winji, kendo inichop singruok duto mane itimo.

Ayub 22:27 ပူးပေါင်းရင်းမြစ်များ

2 Ruodhi 13:4

Eka Jehoahaz nokwayo Jehova Nyasaye kendo Jehova Nyasaye nowinje, nimar noneno kaka ruodh Aram ne sando jo-Israel malit.

1 Weche mag Ndalo 4:10

Jabez noywagorene Nyasach Israel, “Yaye, yie igwedha mondo pinyruodha omedre! Mad lweti obed koda kendo orita mondo kik gima rach ohinya kendo abedi maonge rem.” To Nyasaye notimone mana kaka ne okwayono.

2 Weche mag Ndalo 33:13

Kane okwayo, Jehova Nyasaye noneno bolruokne mowinjo ywakne omiyo nodwoge Jerusalem e pinyruodhe; bangʼe Manase nongʼeyo ni Jehova Nyasaye en Nyasaye.

Ayub 11:13

“Kata kamano ka ichiworine kendo imiye chunyi,

Ayub 27:10

Bende onyalo bedo gi mor kuom Jehova Nyasaye Maratego? Bende doywagne Nyasaye seche duto?

Ayub 33:26

Koro olamo Nyasaye mitimne ngʼwono, opongʼ gi mor koneno Nyasaye, kendo Nyasaye tingʼe malo kuom tim makare.

Ayub 34:28

Negimiyo ywak joma odhier ochopo malo e nyime, mine owinjo ywak jochan.

Ayub 8:6

kata ka dine in ngʼama ler kendo ngimani oriere tir, to dine oani malo mokonyi, kendo dine oduogi kari mowinjore kodi.

Zaburi 116:1

Ahero Jehova Nyasaye nikech nowinjo kwayona; nowinjo ywakna kane adwaro kech.

Zaburi 116:14

Abiro chopo singruokga ma asetimo ne Jehova Nyasaye e nyim ji duto.

Zaburi 56:12

Asetimo kodi singruok, yaye Nyasaye; abiro chiwoni chiwo maga mag erokamano.

Zaburi 61:5

Nikech isewinjo singruokna kodi, yaye Nyasaye; isemiya gweth mikano ne joma oluoro nyingi.

Zaburi 91:15

Enoluonga, kendo anadwoke; anabed kode e chandruok, adier, anakonye kendo anamiye duongʼ.

Eklesiastes 5:4

Ka isingori e nyim Nyasaye, to kik ideki mar timo kamano. Ok omor gi joma ofuwo; omiyo chop singruokni.

Isaya 58:9

Omiyo iniluong Jehova Nyasaye kendo nodwoki; iniywagne mondo okonyi kendo nokoni ni: Eri antie. “Ka uweyo sando ji kendo uweyo achaya kod weche mag oyiem,

Jeremia 29:12

Eka unuluonga mi anabi kendo ulama, to anawinju.

Jona 2:9

An to napaki kod wend goyo erokamano mi natimni misango. Gima asesingora nachop kare nikech warruok wuok kuom Jehova Nyasaye.”

Rapar mar Chik 23:21

Ka ukwongʼoru ne Jehova Nyasaye ma Nyasachu, to kik ubadhru chule, nimar Jehova Nyasaye ma Nyasachu biro bandhou wachno ma ubed joketho.