Ayub 22:26 - Motingʼo Loko Manyien

²⁶ Adier, iniyud mor kuom Jehova Nyasaye Maratego kendo inichom wangʼi kuom Nyasaye.

MUMA MALER 2015

²⁶ Bang’e ibiro geno kuom Nyasaye pile, kendo ibiro yudo ni en e tiend mor ma in go.

Ayub 22:26 ပူးပေါင်းရင်းမြစ်များ

Ayub 11:15

eka inyalo bedo thuolo kionge gi wichkuot kendo ibiro chungʼ motegno ka ionge luoro.

Ayub 11:17

Ngimani nobed maler moloyo ler mar odiechiengʼ, kendo mudho nochalni gi ler mokinyi.

Ayub 22:25

eka Jehova Nyasaye Maratego nobed dhahabu mari, kendo nobedni fedha maberie mogik.

Ayub 27:10

Bende onyalo bedo gi mor kuom Jehova Nyasaye Maratego? Bende doywagne Nyasaye seche duto?

Ayub 33:26

Koro olamo Nyasaye mitimne ngʼwono, opongʼ gi mor koneno Nyasaye, kendo Nyasaye tingʼe malo kuom tim makare.

Ayub 34:9

Nikech osebedo kowacho ni, ‘Onge ohala ma dhano yudo, ka otemo matek mondo otim gima ber ne Nyasaye!’

Zaburi 119:6

Dine ok aneno wichkuot nikech aketo chunya e chikeni duto.

Zaburi 143:8

Mi mondo okinyi oromna gi herani ma ok rem, nimar aketo genona kuomi. Nyisa yo monego alu nimar aketo chunya duto kuomi.

Zaburi 25:1

Achiwoni chunya, yaye Jehova Nyasaye;

Zaburi 37:4

Bed mamor kuom Jehova Nyasaye eka obiro miyi gik moko duto ma chunyi dwaro.

Zaburi 86:4

Mi jatichni obed mamor, yaye Ruoth Nyasaye, nimar in ema aketo genona kuomi.

Wer Mamit 2:3

Mana kaka yiend olemo mayom manie dier yiende mamoko mag bungu, e kaka jaherana chalo e dier chwo matindo. Amor ka abet e tipone, kendo olembe milimili e dhoga.

Isaya 58:14

eka unubed moil kuom Jehova Nyasaye, mi oteru ewi piny kama otingʼore, bende nomiu chiemo kar mwandu mane osingore ne Jakobo kwaru.” Jehova Nyasaye ema owacho.

Jo-Rumi 7:22

Nimar ei chunya maiye amor gi chik Nyasaye;

1 Johana 3:22

To wayudo koa kuome, gimoro amora mwakwaye nikech wamako chikene kendo watimo gik mamore.