Ayub 22:20 - Motingʼo Loko Manyien

²⁰ ‘Adier, wasikwa osetieki, kendo mach osewangʼo mwandugi motieko pep!’

MUMA MALER 2015

²⁰ Mwandu duto mag joricho okethi, kendo mach wang’o gimoro amora modong’.

Ayub 22:20 ပူးပေါင်းရင်းမြစ်များ

Chakruok 19:24

Eka Jehova Nyasaye noolo kite maliel makakni koa e polo mowangʼo Sodom gi Gomora.

Chakruok 31:15

Donge tinde okwanowa mana kaka jomoko nono? Ok en mana ni osechiwowa kende, to osechano nyaka mwandu duto mane okendwa.

Ayub 1:16

Kane oyudo pod owuoyo, jatich machielo nobiro mowacho niya, “Maj Nyasaye nolwar koa e polo mowangʼo rombe kaachiel gi jotich, kendo an kenda ema asetony mondo anyisi wachni!”

Ayub 15:30

Ok notony e masira, enochal gi yath ma mach owangʼo ite, kendo much Nyasaye biro keyo thiepene mi olal nono.

Ayub 20:26

nikech mwandune duto oserumo. Mach ma lwet dhano ok omoko biro wangʼe molokre buru kendo biro tieko gimoro amora modongʼ e hembe.

Ayub 20:29

Mano e gima Nyasaye ochano ne joma timbegi richo, mano e girkeni ma Nyasaye oikonegi.”

Ayub 4:7

“Koro par ane: En ngʼa mosekum maonge ketho? Koso joma kare mage minyalo tieki?