Ayub 22:19 - Motingʼo Loko Manyien

¹⁹ Joma kare neno masira to pod gimor amora, to joma pok otimo gimoro amora marach jarogi, kagiwacho niya,

MUMA MALER 2015

¹⁹ Ka joma beyo oneno ka ikumo joma timbegi richo, to gibedo mamor, kendo joma onge ketho bende nyiero.

Ayub 22:19 ပူးပေါင်းရင်းမြစ်များ

Ayub 17:8

Joma paro ni gin joma kare kibaji omako; kendo joma paro ni ler wacho ni ok angʼeyo Nyasaye.

Ayub 9:23

Ka masira oneko apoya, to pek ma ngʼat makare oyudo ok obadhe.

Zaburi 107:42

Joma kare neno kendo gidoko mamor; To joma timbegi richo dhogi moko.

Zaburi 48:11

Got Sayun oil, kendo mier mag Juda nigi mor, nikech iyalo ji maber.

Zaburi 52:6

Joma kare biro neno mano mi gibed maluor; gibiro nyiere kagiwacho ni,

Zaburi 58:10

Joma kare biro bedo mamor kichulonigi kuor, ka giniluok tiendegi e remb joma timbegi richo.

Zaburi 64:10

Joma kare mondo obed moil kuom Jehova Nyasaye kendo gipondo kuome; ji duto moriere tir gie chunygi mondo opake!

Zaburi 97:8

Sayun nowinjo wachno mi obedo moil, miech Juda bende nobedo mamor, nikech bucheni, yaye Jehova Nyasaye.

Ngeche 11:10

Ka ngʼat makare mewo, dala maduongʼ bedo mamor, ka joricho otho, to nitie koko mar mor.

Fweny 18:20

“Yaye polo bed mamor kuom kethne. Un jomaler mag Nyasaye gi joote kod jonabi, beduru mamor! Nyasaye osengʼadone bura kendo kume nikech timbe mane otimonu.”