Ayub 22:13 - Motingʼo Loko Manyien

¹³ To eka in iwacho ni, ‘Nyasaye to ongʼeyo angʼo? Ere kaka onyalo ngʼadonwa bura to boche polo oime?

MUMA MALER 2015

¹³ To eka in to pod ipenjo ni, ‘Nyasaye ong’eyo ang’o?’ Bende ni, ‘Ere kaka onyalo yalowa, to boche polo oime?’

Ayub 22:13 ပူးပေါင်းရင်းမြစ်များ

Ayub 34:22

Onge kama otimo mudho kata kama olil gi tipo ma joricho nyalo pondoe.

Zaburi 10:11

Owachone en owuon niya, “Nyasaye wiye osewil; opando wangʼe kendo onge gima oneno.”

Zaburi 139:11

Ka awacho niya, “Mudho biro ima adier kendo ler biro lokorena otieno,”

Zaburi 139:7

Dadhi kure eka apond ne Roho mari? Koso kanye ma daring adhiye mondo apondni?

Zaburi 59:7

Neye gik ma gingʼudho koa e dhogi, gingʼudho ligengni gi dhogi, kendo giwacho niya, “En ngʼa manyalo winjowa?”

Zaburi 64:5

Gijiwore ngʼato gi ngʼato kuom chenrogi maricho, giwuoyo kaka ginyalo pando obadhogi, kagiwacho niya, “En ngʼa mabiro nenogi?”

Zaburi 73:11

Giwacho niya, “Ere kaka Nyasaye nyalo ngʼeyo? Nyasaye Man Malo Moloyo to ongʼeyo angʼo?”

Isaya 29:15

Ginine malit jogo maparo timo gimoro amora mondo gipandgo timbegi ne Jehova Nyasaye, ma gin joma timo timbegi e mudho ka giparo niya, “Ere ngʼama nenowa? En ngʼa mabiro ngʼeyo?”

Jeremia 23:24

Jehova Nyasaye wacho niya, “Bende ngʼato nyalo pondo kuonde mopandore mondo omi kik anene? Donge apongʼo polo gi piny?”

Ezekiel 8:12

Nowachona niya, “Wuod dhano, bende iseneno gik ma jodong dhood Israel timo e mudho, ka ngʼato ka ngʼato kuomgi odich mana e abich nyasache? Giwacho ni, ‘Jehova Nyasaye ok newa; nikech Jehova Nyasaye osejwangʼo piny.’ ”

Ezekiel 9:9

Nodwoka niya, “Richo mar dhood Israel gi dhood Juda duongʼ mokalo apima; piny opongʼ gi remo michwero kendo dala maduongʼ opongʼ gi timbe mobam. Giwacho ni, ‘Jehova Nyasaye osejwangʼo piny kendo; Jehova Nyasaye ok ne gik matimore.’

Amos 9:2

Kata dabed ni gikunyo bur matut mi gichopo nyaka e piny joma otho, to kata mana kuno abiro chopoe mi agolgi oko. Kata dabed ni giidho mi gichopo e polo, to kata kuno abiro chopoe mi aduog-gi piny.

Amos 9:3

Kata dabed ni gipondo ewi got Karmel, to kata mana kuno anadwargi mi amakgi. To kata dabed ni gipondona e bwo nam piny, to kata mana kuno anachik thuol mikagi.

Zefania 1:12

E ndalono abiro menyo Jerusalem gi teche ka akumo joma odak kanyo madhi nyime gi timo timbe maricho, ma gin joma chalo mana gi divai mawach; ka giparo ni, ‘Jehova Nyasaye ok notim gimoro amora maber kata marach.’