Ayub 22:12 - Motingʼo Loko Manyien

¹² “Donge Nyasaye odak e polo malo? Donge en malo moyombo nyaka sulwe man malo mogik?

MUMA MALER 2015

¹² Donge Nyasaye odak e polo kuma bor moloyo, kendo orango sulue mana e bwoye, kata obedo ni gin mabor kamano?

Ayub 22:12 ပူးပေါင်းရင်းမြစ်များ

Ayub 11:7

“Bende inyalo ngʼeyo weche mopondo mag Nyasaye? Bende in gi teko mar ngʼeyo kuma duongʼ mar Jehova Nyasaye Maratego ogikie?

Ayub 11:8

Giboyo moyombo polo, koro in to ditimie angʼo? Gitut moloyo bur liel; koro in to ditimie angʼo?

Ayub 35:5

Ngʼiuru polo malo mondo unee boche polo kaka ni kuma bor.

Zaburi 115:16

Polo malo mogik en mar Jehova Nyasaye, to piny to osechiwo ne dhano.

Zaburi 115:3

Nyasachwa ni e polo; otimo gimoro amora mohero.

Eklesiastes 5:1

Ritri ka idhi e od Nyasaye. Dhi machiegni mondo ichik iti moloyo chiwo misengini ma joma ofuwo chiwo, jogo ma ok ongʼeyo ni gitimo marach.

Eklesiastes 5:2

Kik dhogi bed mayot kata kik irikni e chunyi kiwacho, wach moro amora e nyim Nyasaye. Nyasaye ni e polo to in to in e piny, omiyo wechegi onego bed manok.

Isaya 57:15

Nimar ma e gima Jal Man Malo Moloyo ma en Jal modak nyaka chiengʼ, ma nyinge ler wacho, “Adak kama ler man malo, kaachiel gi ngʼat mofwenyo richone kendo man-gi chuny mobolore, mondo aduog chuny ngʼat moboloreno kendo ajiw chuny ngʼat mofwenyo richone.

Isaya 66:1

Ma e gima Jehova Nyasaye wacho: “Polo e koma mar duongʼ, to piny e raten tienda. Koro ere kama dugerna e ot? To kar yweyo mara nobed kanye?