Ayub 2:13 - Motingʼo Loko Manyien

¹³ Bangʼe negibet kode piny e lowo kuom ndalo abiriyo odiechiengʼ gotieno. Onge ngʼama nowachone wach moro amora, nikech negineno ka chandruok mane en-go ne pek moloyo.

MUMA MALER 2015

¹³ Bang’e ne gibet e lowo kanyo kode kuom ndalo abiriyo odiechieng’ gotieno, ka ok giwuo nikech ne gineno kaka othagore malit.

Ayub 2:13 ပူးပေါင်းရင်းမြစ်များ

Chakruok 1:5

Nyasaye noluongo ler ni “odiechiengʼ” kendo mudho noluongo ni “otieno.” Piny noyuso, kendo noru ma en chiengʼ mokwongo.

Chakruok 1:8

Nyasaye noluongo gima nopogo pigno ni “polo.” Piny noyuso kendo noru, ma en chiengʼ mar ariyo.

Chakruok 50:10

Kane gichopo kar dino cham man Atad, machiegni gi Jordan, negiywago wuon-gi matek kendo malit ahinya; kendo Josef nokawo ndalo abiriyo koywago wuon-gi.

Ezra 9:3

Kane awinjo wachno, ne ayiecho kandhona kod lepa, apudho yie wiya kod yie tika mi abedo piny ka an-gi bwok malich.

Nehemia 1:4

Kane awinjo wechegi, to ne abet piny mi aywak. Kuom ndalo manok nakuyo kendo natweyo chiemo kalamo e nyim Nyasach polo.

Ayub 3:1

Bangʼ mano, Ayub nowuoyo ka kwongʼo chiengʼ mane onywole.

Ayub 4:2

“Bende chunyi nyalo doko malit ka ngʼato okeloni wach moro nimar ok anyal lingʼ mak awuoyo?

Zaburi 77:4

Ne imako wengena mi ok oimore, kendo ne an gi pek ma ok anyal wuoyo.

Isaya 3:26

Nduru gi ywak mag dengo nopongʼ dhorongeye mag Sayun, kendo dalano nodongʼ nono kokethore.

Isaya 47:1

In Nyar Babulon Mangili bed piny e buru; bed piny e lowo kionge loch in nyar jo-Babulon. Ok nochak oluongi ni nyako ma dende yom kendo ma jaber.

Ywagruok 2:10

Jodongo mag nyar Sayun, obedo piny kolingʼ thi, gisebuko wiyegi gi buru kendo girwako piende gugru. Nyi Jerusalem osekulo wiyegi piny.

Ezekiel 3:15

Ne abiro ir joma otwe mane odak Tel Abib but Aora Kebar. Kendo kanyo, kama ne gidakieno; nabet e diergi kuom ndalo abiriyo ka adhier nono.