Ayub 18:5 - Motingʼo Loko Manyien

⁵ “Tach joma timbegi richo osenegi; kendo mae oseweyo liel.

MUMA MALER 2015

⁵ Ng’at ma timbene richo biro nego tache, kendo maye ok nochak oliel.

Ayub 18:5 ပူးပေါင်းရင်းမြစ်များ

Ayub 15:30

Ok notony e masira, enochal gi yath ma mach owangʼo ite, kendo much Nyasaye biro keyo thiepene mi olal nono.

Ayub 18:4

Mirima ma in-gono biro hinyi mana in iwuon, iparo ni piny biro rumo nikech in? Koso nyaka gol lwendni kuonde magintie?

Ayub 20:5

ni tingʼruok ma joma timbegi richo tingʼorego rumo piyo, kendo mor mar joma okia Nyasaye ok bed amingʼa.

Ayub 21:17

“To kata kamano, donge joricho manok ema tho piyo? Donge ji matin kuomgi kende ema masira mako; ma en masira ma mirimb Nyasaye ema okelo?

Ngeche 13:9

Ler mar ngʼat makare rieny maler, to taya mar ngʼat marach inego.

Ngeche 20:20

Ka ngʼato okwongʼo wuon mare kata min mare, to ngimane norum mana ka taya motho e mudho molil.

Ngeche 21:4

Wangʼ teko, chuny mar sunga kod taya mar jo-mahundu, gin richo!

Ngeche 24:20

nimar jaricho onge gi geno mar ndalo mabiro, kendo taya mar ngʼat marach ibiro nego.

Ngeche 4:19

To yor joricho chalo gi mudho mandiwa; ok gingʼeyo gima miyo gichwanyore.

Isaya 50:11

To koro un jogo duto ma jomok mach kendo moko mirni maliel, dhiuru mondo uwuothi e ler mar mach mumoko kata e ligek mach musemoko. Ma e gima udhi yudo e lweta: Ubiro rieru piny gi rem malit.

Isaya 57:20

To joricho chalo gi nam moduwore, ma ok nyal bedo gi kwe, ma apaka mage gingore kendo kelo chwodho.

Ezekiel 32:7

Chiengʼ ma anatieki mi aum kor polo to sulwe ok norieny; kendo wangʼ chiengʼ gi boche polo ok nobedie bende dwe ok norieny.