Ayub 18:12 - Motingʼo Loko Manyien

¹² Midhiero oikore mar chame kendo chandruok okichore mar muonye sa ma opodho.

MUMA MALER 2015

¹² Chon ne en gi mwandu, to tinde oonge kata mana gi chiemo, kendo masira rite arita.

Ayub 18:12 ပူးပေါင်းရင်းမြစ်များ

Ayub 31:3

Donge kethruok en mar joma timbegi mono, kendo masira mar joricho?

Zaburi 109:10

Mad nyithinde lokre jokwecho mabayo abaya; mad riembgi gia koda ka e miechgi mosekethore.

Zaburi 34:10

Sibuoche nyalo ool kendo kech nyalo kayogi, to joma manyo Jehova Nyasaye ok ochando gima ber moro amora.

Isaya 8:21

Ginitangni e piny ka githagore kendo ka gidenyo, kendo e kindeno ma kech onurogi, igi nowangʼ matek mi gikwongʼ ruodhgi kod Nyasachgi.

1 Jo-Thesalonika 5:3

E sa ma ji paro ni piny okwe kendo weche beyo, ema masira nopogie kadiemo wangʼ, mana kaka muoch poyo dhako man-gi ich, bende ok ginitony.

2 Petro 2:3

Nikech bedo gi gombo mar yudo gik malangʼ, jopuonj mag miriambogo noywau gi sigendini magiseloso mag miriambo malombo ji; mondo gimau mwandu. To kum margi mane oiknegi chakre chon ritogi, kendo kethruokgi ok nodeki ma ok ochoponegi.

1 Samuel 2:36

To jogo mane dongʼ e dhoodi nobi ire kakulore e nyime mondo omi fedha gi kuon kendo nokwaye niya, “Yie imiya tich dolo moro mondo ayud kaka dayud chiemo machamo.” ’ ”

1 Samuel 2:5

Jogo mane nigo koro tiyo mondo oyud chiemo, to jogo mane denyo koro kegi orumo. Mano mane migumba osenywolo nyithindo abiriyo to mano mane nigi yawuowi to koro odongʼ nono.