Ayub 17:13 - Motingʼo Loko Manyien

¹³ Ka dipo ni dala ma ageno dhiye en mana liel kende, kata kapo ni apedho kitandana e mudho,

MUMA MALER 2015

¹³ Aonge gi geno, kendo abiro dak mana e Piny Joma Otho, kuma abiro rierae piny mondo anindi e mudho.

Ayub 17:13 ပူးပေါင်းရင်းမြစ်များ

Ayub 14:14

Ka ngʼato otho, bende dochak obed mangima kendo? Ndalona duto mag tichna matek abiro rito, an to abiro dhil gi thagruokna, nyaka kinde maber chopi.

Ayub 17:1

Chunya onyosore, ndalona ongʼad machiek, kendo thona ema chiegni koda.

Ayub 17:12

Jogi loko otieno mi bed odiechiengʼ; ka piny otimo mudho to giwacho ni, ‘Ler ni machiegni.’

Ayub 3:13

Nimar dikoro ayweyo gi kwe; kendo dikoro anindo kendo ayweyo,

Ayub 30:23

Angʼeyo ni ibiro tera nyaka e tho, nyaka kama ochan ne joma ngima duto.

Ayub 6:11

“Teko mane ma an-go ma dimi pod abed gi geno? Ber mane ma pod ni e nyima madimi abed mos?

Ayub 7:9

Mana kaka bor polo rumo mi lal nono, e kaka ngʼat miyiko e liel ok duogi.

Zaburi 139:8

Ka aidho e polo, to in kuno; ka aloso kitandana e bur matut, to in kuno.

Zaburi 27:14

Gen kuom Jehova Nyasaye; bed motegno ka in gi chir, kendo rit kuom Jehova Nyasaye.

Eklesiastes 12:5

Ji noluor kuonde motingʼore gi malo kendo wuoth nobednigi matek e wangʼ yore. Maua mar oyungu thiewo kendo ongogo lak mondo odhi ocham it yien-no, to oyudo ka it yien-no onge gi ndhandhu. Kamano e kaka dhano dhiyo e dalane mosiko ka joywak to dengo e wangʼ yore.

Isaya 57:2

Joma timbegi ni kare yudo kwe; kendo giyudo yweyo ka ginindo e liel.