Ayub 17:11 - Motingʼo Loko Manyien

¹¹ Ndalona osekadho, chenrona duto osekethore, kaachiel gi gik moko duto ma chunya gombo.

MUMA MALER 2015

¹¹ Ndalona oserumo, kendo chenona duto osekethore, bende koro onge gima ageno.

Ayub 17:11 ပူးပေါင်းရင်းမြစ်များ

Ayub 17:1

Chunya onyosore, ndalona ongʼad machiek, kendo thona ema chiegni koda.

Ayub 17:12

Jogi loko otieno mi bed odiechiengʼ; ka piny otimo mudho to giwacho ni, ‘Ler ni machiegni.’

Ayub 7:6

“Ndalo mar ngimana dhiyo mapiyo moloyo masind jachwe usi, kendo orumo piyo maonge geno.

Ngeche 16:1

Chuny dhano chano gik modwaro timo, to dwoko margi aa kuom Jehova Nyasaye.

Ngeche 16:9

E chuny dhano ochano yore, to Jehova Nyasaye ema telone ondamo mage.

Ngeche 19:21

Dhano nigi chenro mangʼeny e chunye, to dwaro mar Jehova Nyasaye ema timore.

Eklesiastes 9:10

Gimoro amora ma lweti oyudo mondo otim, time gi tekri duto, nimar ei bur, kama ibiro idhiyoe, onge tich kata loso chenro kata ngʼeyo kata rieko.

Isaya 38:10

Ne apenjora niya, “E ndalo mag ber mar ngimana, bende onego bed ni akalo e rangeye mag tho kendo hikena modongʼ duto gol kuoma?”

Isaya 8:10

Kata dabed ni ungʼado rieko kuom gik mudwaro timo to ibiro thirgi; bende kata dabed ni uchano gima udwaro timo to ok notimre, nikech Nyasaye nikodwa.

Ywagruok 3:37

En ngʼa manyalo wuoyo kendo miyo gimoro timre ka ok en Ruoth Nyasaye ema owacho?

Jo-Rumi 1:13

Jowetena, ok adwar ni ubed kukia, ni asedwaro kuom ndalo mathoth mondo abi iru, to timo kamano osetama nyaka kawuononi, mondo an bende ati tich maber e dieru mana kaka asetimo e dier joma ok jo-Yahudi.