Ayub 14:15 - Motingʼo Loko Manyien

¹⁵ Ibiro luongo, kendo abiro dwoki; ibiro gombo neno chwech ma lweti osechweyo.

MUMA MALER 2015

¹⁵ Bang’e iniluonga, to anadwoki, kendo inibed mamor kineno ng’at mane ichueyo.

Ayub 14:15 ပူးပေါင်းရင်းမြစ်များ

Ayub 10:3

Nyalo bedo ni iwinjo maber ka ahinyora; kendo ka ikwedo tich lweti, to timbe joricho to mori?

Ayub 10:8

“Lweti ema nochweya. Ibiro lokori koda kendo mondo itieka?

Ayub 13:22

Eka iluonga e nyimi kendo abiro dwoki, kata iyiena awuo mondo idwoka.

Ayub 14:14

Ka ngʼato otho, bende dochak obed mangima kendo? Ndalona duto mag tichna matek abiro rito, an to abiro dhil gi thagruokna, nyaka kinde maber chopi.

Ayub 7:21

Angʼo momiyo idagi ngʼwonona kuom ketho maga kendo itamori wena richoga? Nikech koro abiro tho machiegni; ibiro manya, to ok enonwangʼa.”

Zaburi 138:8

Jehova Nyasaye biro chopona chenroge; yaye Jehova Nyasaye, herani osiko nyaka chiengʼ: kik ijwangʼ tije ma iloso gi lweti.

1 Jo-Thesalonika 4:17

Bangʼ mano, wan ma pod wadongʼ ka wangima noyudhwa kaachiel kodgi mi terwa malo e boche polo mondo warom gi Ruoth e polo. Omiyo wanabed gi Ruoth nyaka chiengʼ.

1 Petro 4:19

Kuom mano joma neno sand kaluwore gi dwaro mar Nyasaye onego ochiw chunygi e lwet Jachwech ma ja-adiera kendo onego gidhi nyime gi timo timbe mabeyo.

1 Johana 2:28

Omiyo koro nyithinda mageno, sikuru kuome mondo ka ofwenyore to wabed gi chir kendo maonge wichkuot e nyime ka obiro.