Ayub 12:25 - Motingʼo Loko Manyien

²⁵ Gidangʼni ei mudho maonge ler; kendo omiyo gikwangʼ ka joma omer.”

MUMA MALER 2015

²⁵ ka gimulo e mudho mandiwa, kendo ka gitagore ka joma omer.

Ayub 12:25 ပူးပေါင်းရင်းမြစ်များ

Chakruok 19:11

Eka negimiyo jomanenie dhoot oko-go obedo muofni, jomatindo gi jomadongo, mane ok ginyal yudo dhoot.

Ayub 18:6

Ler manie hembe oselokore mudho; kendo taya manie bathe osetho.

Ayub 5:14

Piny othonegi mudho kata mana ka chiengʼ rieny, gibagni odiechiengʼ tir mana ka gima en otieno.

Zaburi 107:27

Ne gipuore kendo gitagore ka joma omer; kendo pachgi nolalnegi.

Isaya 19:14

Jehova Nyasaye osejwangʼogi ma chunygi ool; gimiyo jo-Misri tangni e gik moko duto ma otimo, machal mana ka jakongʼo madwanyore kama ongʼokie.

Isaya 24:20

Piny thembo ka jakongʼo, kendo ohukni ka kiru ma yamo yiengo, kethruok kod timbene mamono omiyo opodho ma ok nochak oa malo.

Isaya 59:10

Wamulo kor udi mana ka muofni, kendo wamulo kuonde ma wawuothe, mana ka joma onge wengegi. Wachwanyore godiechiengʼ, mana ka gima en otieno kendo wachalo joma otho e kind joma rateke.

Tich Joote 13:11

To winji, lwet Ruoth Nyasaye koro kedo kodi. Ibiro bedo muofu, kendo kuom kinde moromo ok ibi neno ler mar chiengʼ gi wangʼi.” Gikanyono mudho mandiwa nobiro moimo wangʼe, mi nochako tangni komulo gik moko gi lwete ka gi kacha, mondo oyudie ngʼato mane nyalo mako bade kataye.

Rapar mar Chik 28:29

E dier odiechiengʼ tir ubiro rundoru ka muofni e mudho. Onge gima unutim manodhi maber, ndalo duto nothiru kendo noyak giu maonge ngʼama noresu.

1 Johana 2:11

Ngʼat mamon gi owadgi to ni e mudho, kendo mudho nogo ema owuothoe, kokia kuma odhiye, nikech mudho odino wangʼe.