Ayub 12:16 - Motingʼo Loko Manyien

¹⁶ En e wuon teko gi loch; joma iwuondo gi joma wuondo ji gin mage kargi duto.

MUMA MALER 2015

¹⁶ Nyasaye nigi teko kod loch, kendo jawuond kaachiel gi ng’at miwuondo duto nie lwete.

Ayub 12:16 ပူးပေါင်းရင်းမြစ်များ

Ayub 12:13

“Nyasaye e wuon rieko gi teko; ngʼado rieko gi winjo tiend weche gin mage.

Ayub 13:7

Ere gima omiyo uwuoyo marach kuom Nyasaye? Koso uparo ni miriambou biro konyo Nyasaye?

Ayub 13:9

Bende doyud adiera kuomu kononou? Bende duwuonde kaka uwuondo dhano?

Ayub 32:8

To ngʼeuru ni chuny manie i dhano, ma en much Jehova Nyasaye Maratego, ema miyo dhano winjo tiend weche.

Ngeche 2:6

Jehova Nyasaye chiwo rieko kendo ngʼeyo gi winjo aa e dhoge.

Isaya 31:2

Kata kamano en bende en gi rieko kendo onyalo kelo chandruok; bende ok olok pache e gima osewacho. Obiro kumo joma timbegi mono, kaachiel gi joricho makonyogi.

Ezekiel 14:9

“ ‘Kendo ka achiel kuom jokor wachgo okoro wach moro, to an Jehova Nyasaye abiro rundo pache, ma wachneno ok notimre, kendo anatiek jakor wachno mi agole kuom joga ma jo-Israel.

Daniel 2:20

kowacho niya: Nying Nyasaye mondo opaki mochwere manyaka chiengʼ; nikech rieko kod teko gin mage.

Mathayo 6:13

Bende kik iwe wadonj e tem, to reswa e lwet ngʼat marach.’