Ayub 11:8 - Motingʼo Loko Manyien

⁸ Giboyo moyombo polo, koro in to ditimie angʼo? Gitut moloyo bur liel; koro in to ditimie angʼo?

MUMA MALER 2015

⁸ Obor moyombo polo! Koro ere gima ditim? Riekone tut mokadho piny! In to ing’eyo ang’o?

Ayub 11:8 ပူးပေါင်းရင်းမြစ်များ

2 Weche mag Ndalo 6:18

“To bende Nyasaye nyalo dak e piny kod ji? Kata polo malo kata polo mabor ok nyal romi, to koro hekalu mageroni to diromi nade!

Ayub 11:9

Bor margi oyombo bor mar piny kendo lach margi oloyo lach mar nam.

Ayub 22:12

“Donge Nyasaye odak e polo malo? Donge en malo moyombo nyaka sulwe man malo mogik?

Ayub 26:6

Piny joma otho ok opondo ne Nyasaye; kendo onge gima nyalo mone nene.

Ayub 35:5

Ngʼiuru polo malo mondo unee boche polo kaka ni kuma bor.

Ayub 37:23

Jehova Nyasaye Maratego oyombowa mabor kendo en gi teko maduongʼ ok otim marach ne ji, nikech en ja-adiera kendo opongʼ gi tim makare.

Ayub 38:17

Bende osenyisi dhorangaye mag tho? Koso bende iseneno dhorangeye mag tipo mag tho?

Ayub 7:9

Mana kaka bor polo rumo mi lal nono, e kaka ngʼat miyiko e liel ok duogi.

Zaburi 103:11

Nimar kaka polo ni malo moyombo piny, e kaka herane duongʼ ne joma omiye luor;

Zaburi 148:13

Onego gipak nying Jehova Nyasaye gin duto, nimar nyinge kende ema nigi duongʼ; kendo duongʼne maler oyombo piny gi polo.

Zaburi 36:6

Timni makare chalo gi gode madongo, ratiro mari chalo gi kut matut. Yaye Jehova Nyasaye, in ema irito ngima dhano gi le.

Ngeche 30:4

En ngʼa mosedhi e polo kendo olor piny? En ngʼa mosechoko yamo moketo ei lwete? En ngʼa mosechoko pi gi lawe kata mosepimo giko mar tungʼ piny? Nyinge to en ngʼa, koso wuode to nyinge ngʼa? Nyisa ane ka ingʼeyo!

Isaya 55:9

“Mana kaka polo bor gi piny e kaka bende yorena boyo maloyo mau, kendo e kaka parona ohewo parou.

Amos 9:2

Kata dabed ni gikunyo bur matut mi gichopo nyaka e piny joma otho, to kata mana kuno abiro chopoe mi agolgi oko. Kata dabed ni giidho mi gichopo e polo, to kata kuno abiro chopoe mi aduog-gi piny.