Ayub 11:6 - Motingʼo Loko Manyien

⁶ mondo omi onyisi yore mopondo mag rieko, nimar rieko madier nigi rachne gi berne. To ngʼe ni Nyasaye wiye osewil kata mana gi richogi moko.

MUMA MALER 2015

⁶ to da onyisi ni nitie yore mang’eny mag rieko, kendo nitie gik matut motamo dhano ng’eyo. Neye ni Nyasaye ok dew richoni moko!

Ayub 11:6 ပူးပေါင်းရင်းမြစ်များ

Ezra 9:13

“Gima osetimorenwa en nikech timbewa mamono kod kethowa ma ok odhi kare, to kata kamano, Nyasachwa, ne ok ikumowa moromore gi richowago, to niweyo jowa otony, mi wabedo thuolo kaka koroni.

Ayub 11:5

To mano kaka daher mondo Nyasaye odwoki kuom wachno,

Ayub 12:13

“Nyasaye e wuon rieko gi teko; ngʼado rieko gi winjo tiend weche gin mage.

Ayub 15:11

Hoch ma Nyasaye hoyigo kod weche mosebedo kinyisi gi ngʼwono, donge oromi?

Ayub 15:5

Richo ma isetimo ema omiyo iwuoyo alanda kamano; kendo ilony e wacho miriambo.

Ayub 15:8

Bende ichiko iti ne rieko mar Nyasaye? Koso iloko rieko giri iwuon?

Ayub 22:5

Donge otimoni kamano nikech timbegi kod richo misetimo ngʼeny?

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Ayub 33:12

“To anyisi ni pachino obam, nikech Nyasaye duongʼ moloyo dhano.

Ayub 9:4

Riekone tut kendo tekre ngʼeny. En ngʼa mosepiem kode miloye?

Zaburi 103:10

ok otimnwa mowinjore gi richowa bende ok ochulwa kaluwore gi kethowa.

Zaburi 25:14

Jehova Nyasaye en osiep joma miye luor; omiyo gingʼeyo singruok mage.

Ywagruok 3:22

Nikech hera maduongʼ mar Jehova Nyasaye osiko mochwere, kendo ngʼwonone ok rum omiyo ok otiekwa.

Daniel 2:28

makmana nitie Nyasaye moro e polo mafwenyo tiend midhierni. Osenyiso ruoth Nebukadneza gik mabiro timore ndalo mabiro. Lekni kod fweny duto mane obiro e pachi kane inindo e kitandani e magi:

Daniel 2:47

Ruoth nowachone Daniel niya, “Adier, Nyasachi en Nyasach nyiseche, kendo en Ruoth mar ruodhi, kendo en Jal maelo tiend midhierni, nikech ne in gi nyalo mar elona tiend midhieroni.”

Mathayo 13:35

Mano nochopo gima ne owach gidho janabi niya, “Abiro yawo dhoga mondo awuo gi ngeche, abiro hulo gik mosebedo kopondo nyaka aa chakruok piny.”

Jo-Efeso 3:5

E ndalo machon Nyasaye ne ok oelo tiend wachni ne ji, to koro oseele kuom Roho, kokonyore gi jootene maler kod jonabi.

Rapar mar Chik 29:29

Gik mopondo duto ni e lwet Jehova Nyasaye ma Nyasachwa, to gik mofwenynwa gin magwa kod nyithindwa nyaka chiengʼ, mondo mi walu weche duto mondiki e kitabuni.