Ayub 11:3 - Motingʼo Loko Manyien

³ Wechegi manonogo bende nyalo hoyo ji malingʼ? Iparo ni onge ngʼama nyalo kweri kijaro ji kamano?

MUMA MALER 2015

³ In Ayub, iparo ni wecheni mang’enygo nyalo miyo ng’ato ling’? Kata kiwacho weche mag ajara, to ok dikweri koso?

Ayub 11:3 ပူးပေါင်းရင်းမြစ်များ

Ayub 12:4

“Asedoko gima inyiero e dier osiepena, kata obedo ni an ngʼama kare kendo maonge ketho; to chon an ema ne Nyasaye winjo ywakna kendo dwoka!

Ayub 13:4

Un to uumo adiera gi miriambo; uchalo jothieth ma ok nyal thiedho tuo!

Ayub 13:9

Bende doyud adiera kuomu kononou? Bende duwuonde kaka uwuondo dhano?

Ayub 17:2

Jogo ma nyiera olwora koni gi koni; kendo asiko mana kaneno gero ma gin-go koda.

Ayub 21:3

An bende miyauru thuolo mondo awuo, to ka asetieko wuoyo, to udhi nyime gijara.

Ayub 24:25

“Ka gik ma awachogo miriambo, to en ngʼa manyalo nyiso maler ni ariambo, ma dimi wechega bed gik manono?”

Ayub 34:7

To en ngʼa machalo gi Ayub; mamodho ajara kaka pi?

Zaburi 35:16

Kaka joma ok oluoro Nyasaye chayo ji, ne gijara ka gichano timona marach, ne gikayona lekegi.

Zaburi 83:16

Pongʼ wengegi gi wichkuot mondo ji omany nyingi, yaye Jehova Nyasaye.

Jeremia 15:17

Ne ok abedo e kanyakla mar jojaro, ne ok atimo nyasi kodgi; to ne abedo kenda nikech lweti ne ni kuoma kendo ne ipongʼa gi mirima.

2 Jo-Thesalonika 3:14

Ka ngʼato angʼata otamore luwo weche mawandikonu e baruwani to ngʼiuru ngʼatno maber. Kik uriwru kode, mondo eka wiye okuodi kuom timne mobam.

Tito 2:8

wecheni obed weche mowinjore ma ngʼato ok nyal chayo ni gin weche mofuwo mondo joma ok oyie kodi wigi okuodi nikech gionge gimoro amora marach ma ginyalo wacho kuomwa.

Juda 1:18

Ne giwachonu niya, “E ndalo giko joma jaro ji nobedie ma noluw gombogi giwegi maricho.”