Ayub 11:18 - Motingʼo Loko Manyien

¹⁸ Inidag gi kwe maonge luoro, nikech geno ma in-go, kendo Nyasaye noriti mamiyi yweyo.

MUMA MALER 2015

¹⁸ Inidag gi kue nikech geno ma in go, kendo Nyasaye noriti, mi miyi yueyo.

Ayub 11:18 ပူးပေါင်းရင်းမြစ်များ

Ayub 11:17

Ngimani nobed maler moloyo ler mar odiechiengʼ, kendo mudho nochalni gi ler mokinyi.

Ayub 11:19

Ininind kionge gi luoro, kendo ji mangʼeny nomany konyruok kuomi.

Ayub 6:11

“Teko mane ma an-go ma dimi pod abed gi geno? Ber mane ma pod ni e nyima madimi abed mos?

Ayub 7:6

“Ndalo mar ngimana dhiyo mapiyo moloyo masind jachwe usi, kendo orumo piyo maonge geno.

Zaburi 127:2

In bende imondo chiewo chon kendo ineno nyaka sa molewo, kinyagori gi tich matek mondo iyud chiemo minyalo chamo; nimar Nyasaye miyo joge mohero nindo mokwe.

Zaburi 3:5

Ariera piny mondo anindi; kendo achako aa malo, nikech Jehova Nyasaye orita.

Zaburi 4:8

Abiro riera piny mi anind gi kwe, nikech in kendi, yaye Jehova Nyasaye, in ema imiyo adak gi kwe.

Zaburi 43:5

Angʼo momiyo ikuyo, yaye chunya? Angʼo momiyo inyosori, yaye chunya? Ket genoni kuom Nyasaye, nikech pod abiro pake, en e Jawarna kendo Nyasacha.

Ngeche 14:32

Ka masira obiro, joricho itieko, to kata e tho ngʼat makare nigi kar pondo.

Jo-Kolosai 1:27

Gin e joma Nyasaye oseyiero mondo onyis ogendini mwandu gi duongʼ man kuom wach mane opandino, en Kristo modak e chunyu kendo ma en e geno mar duongʼ.