Ayub 11:14 - Motingʼo Loko Manyien

¹⁴ bende ka iweyo timo richo kendo ingʼado ni richo moro amora ok bed e dalani,

MUMA MALER 2015

¹⁴ Gol richo kuomi, kendo riemb timbe ma ok ni kare oa dalani.

Ayub 11:14 ပူးပေါင်းရင်းမြစ်များ

Chakruok 4:7

Kitimo maber donge diyieni? To ka itimo marach to richo okichore e dhoodi, kendo ogomboni mondo okawi, to in nyaka iloye.”

2 Ruodhi 17:13

Jehova Nyasaye nosiemo Israel kod Juda kokalo kuom jonabi mage kod jokor, kawacho niya, “Lokri iwe yoreni maricho, luw wechena, kod yorena kaluwore gi chikena duto mane amiyo kwereu mondo oriti kendo mane amiyou kowuok kuom jotichna ma jonabi.”

Ayub 22:23

Ka idok ir Jehova Nyasaye Maratego, to ibiro geri kendo. Ka igolo timbe maricho mabor gi dalani,

Ayub 22:5

Donge otimoni kamano nikech timbegi kod richo misetimo ngʼeny?

Ayub 34:32

Puonja mondo ane gik mopondona; kapo asetimo gimoro marach, to ok abi achak atim kamano kendo!’

Ayub 4:7

“Koro par ane: En ngʼa mosekum maonge ketho? Koso joma kare mage minyalo tieki?

Ayub 8:6

kata ka dine in ngʼama ler kendo ngimani oriere tir, to dine oani malo mokonyi, kendo dine oduogi kari mowinjore kodi.

Zaburi 101:2

Abiro neno ni aritora mondo ngimana obed malongʼo chuth, ibiro biro ira karangʼo? Abiro dak e oda gi chuny malongʼo chuth.

Isaya 1:15

Ka utingʼo bedeu malo kulemo to anapandnu wangʼa, kendo kata ulem machal nade to ok anadwoku. Lweteu osechwero remo mangʼeny!

Jakobo 4:8

Suduru but Nyasaye, eka nosud butu. Luokuru lweteu, un jorichogi, kendo pwodhuru chunyu, un joma nigi paro ariyogi.

1 Samuel 7:3

Kendo Samuel nowachone jo-Israel duto niya, “Ka udwogo ir Jehova Nyasaye gi chunyu duto, to goluru nyiseche mag jopinje mamoko ma un-go kod mag Ashtoreth, to chiwreuru ni Jehova Nyasaye kendo en kende ema utine, mi noresu kogolou e lwet jo-Filistia.”