Ayub 11:12 - Motingʼo Loko Manyien

¹² Ka nyathi punda inyalo nywol ka muol, to kara ngʼama ofuwo bende nyalo bedo mariek.

MUMA MALER 2015

¹² Ka kenje thim inyalo nywolo ka muol, to kara joma ofuwo bende nyalo timo timbe mariek!

Ayub 11:12 ပူးပေါင်းရင်းမြစ်များ

Ayub 15:14

“Dhano to en angʼo madimi obed ngʼama ler, koso dhano ma dhako onywolo, to en angʼo madimi obed ngʼama kare?

Ayub 28:28

Kendo nowachone dhano ni, ‘Luoro Ruoth Nyasaye kelo rieko, kendo ka idwaro bedo gi ngʼeyo to nyaka iwe richo!’ ”

Ayub 5:13

Omako joma riek gi riekogi giwegi, kendo gimoro amora ma giparo timo ok timre.

Ayub 6:5

Donge punda nyalo mana ywak ka oonge lum mocham, kata rwath nyalo ywak kaonge chiemo?

Zaburi 144:4

Dhano chalo gi muya nono kendo ndalone chalo gi tipo makadho piyo.

Zaburi 39:11

Ikwero ji kikumogi nikech richogi; itieko mwandugi mana kaka thuth tieko oduma, dhano ka dhano en mana muya nono. Sela

Zaburi 39:5

Iseketo ndalona obedo machiek ka bad dhano; kar romb higni maga ok gimoro e nyimi, ngima dhano ka dhano en mana muya nono. Sela

Zaburi 51:5

En adier chutho ni nonywola e richo asebedo ka an jaricho chakre chiengʼ mane minwa omake ichna.

Zaburi 73:22

to pacha nolal kendo ne abedo mofuwo, ne achalo le maonge rieko e nyimi.

Zaburi 92:6

Ngʼama omingʼ ok nyal ngʼeyo, joma ofuwo ok winj tiend wachno,

Eklesiastes 1:2

Jayalo wacho niya, “Ngima en gima nono! Chutho en gima nono! Gik moko duto onge tiendgi!”

Eklesiastes 11:10

Omiyo koro, gol gombo duto oko e chunyi kendo kik iwe gombo mag ringruok thagi, nikech bedo rawera maratego bende onge tiende.

Eklesiastes 3:18

Bende ne achako aparo niya, “Nyasaye temo dhano mondo gine ni gichalo gi le.

Jeremia 2:24

punda mar thim mongʼiyo gi kama otwo, ma ngʼweyo yamo kodwaro thuondi; en ngʼa madigengʼe? Onge thuon manyalo thagore ka dware nikech yude yot ka kinde miringo kode ochopo.

Jo-Rumi 1:22

Kata obedo ni negiwacho ni giriek, to negibedo joma ofuwo,

Jo-Rumi 12:16

Daguru gi winjruok e kindu. Kik usungru, to beduru gi chuny mohero riwore gi joma ni e ngima mapiny. Kik ngʼato wuondre ni oriek moloyo ji mamoko.

Jo-Efeso 2:3

Adier, chon waduto ne wachal kodgi, ka watimo gik mangima mar dhano dwaro, kendo waluwo gombo kod paro mag ringruok. Wan bende, e kitwa, mana kaka ji mamoko, ne wan e bwo mirima.

Jakobo 2:20

In ngʼat mofuwoni idwaro mondo omed nyisi kaka yie maonge tim en gima nono?