Ayub 10:21 - Motingʼo Loko Manyien

²¹ kapok adhi kuma ji ok dhiye miduogi, ma en piny motimo mudho gi tipo molil ti,

MUMA MALER 2015

²¹ ka pok adhi e piny motimo mudho mandiwa, kuma ok anyal wuokie.

Ayub 10:21 ပူးပေါင်းရင်းမြစ်များ

2 Samuel 12:23

To nikech koro osetho, angʼo dimi atwe chiemo? Bende daduoge obed mangima? An ema abiro dhi ire to en ok onyal duogo ira.”

2 Samuel 14:14

Kaka pi mopukore piny ma ok nyal tuom kendo, omiyo nyaka watho. To Nyasaye ok neg ngʼato; kar timo kamano, to oloso yore mondo ngʼat mane oriembi kik osiki ka en jasike.

Ayub 10:22

en piny ma otimo mudho mandiwa, kama kata ler chaloe mudho.”

Ayub 16:22

“Adongʼ gi higni matin nono, bangʼe to abiro dhi kama ok duogie.

Ayub 17:13

Ka dipo ni dala ma ageno dhiye en mana liel kende, kata kapo ni apedho kitandana e mudho,

Ayub 3:13

Nimar dikoro ayweyo gi kwe; kendo dikoro anindo kendo ayweyo,

Ayub 3:5

Mad odiechiengno otim luoch kendo mudho mandiwa oime; boche polo mondo oume; kendo wangʼ chiengʼ otim mudho.

Ayub 34:22

Onge kama otimo mudho kata kama olil gi tipo ma joricho nyalo pondoe.

Ayub 38:17

Bende osenyisi dhorangaye mag tho? Koso bende iseneno dhorangeye mag tipo mag tho?

Zaburi 23:4

Kata ka obedo ni awuotho e hoho mar tipo mar tho, to ok analuor gimoro marach, nimar in koda; ludhi gi odungani ema hoya.

Zaburi 39:13

We ngʼiya, mondo achak abed moil kendo kapok adar aweyo pinyni mi alal e wangʼ ji.

Zaburi 49:20

Ngʼat man-gi mwandu mathoth to onge winjo, chalo gi le ma otho.

Zaburi 88:13

Anto aywakni mondo ikonya, yaye Jehova Nyasaye; lamona chopo e nyimi gokinyi.

Zaburi 88:6

Iseketa ei bur matut mogik, ei piny mogik, kama olil ti.

Eklesiastes 11:8

To kuom higni mangʼeny ma dhano nyalo dak, we mondo obed mamor kuom hignigo duto. Makmana wiye kik wil gi ndalo mag mudho nikech kosetho to ndalo mag mudho nobed mangʼeny moloyo. Gimoro amora mabiro bangʼe onge tiende.

Eklesiastes 9:10

Gimoro amora ma lweti oyudo mondo otim, time gi tekri duto, nimar ei bur, kama ibiro idhiyoe, onge tich kata loso chenro kata ngʼeyo kata rieko.

Isaya 38:11

Ne awacho niya, “Ok anachak ane Jehova Nyasaye owuon, e piny joma ngima; bende ok anachak aket genona kuom dhano wadwa, kata bedo gi joma koro odak e pinyni.

Jeremia 2:6

Ne ok gipenjo ni, ‘Ere Jehova Nyasaye, mane ogolowa Misri, kendo otelonwa e thim ma ok nyag gimoro, ka wakalo piny motwo kod piny motimo bugni, piny ongoro kod mudho, piny maonge ngʼama wuothoe, kendo onge ngʼama odakie?’