Ayub 1:6 - Motingʼo Loko Manyien

⁶ Chiengʼ moro achiel malaike nobiro e nyim Jehova Nyasaye, kendo Satan bende nobiro kodgi.

MUMA MALER 2015

⁶ To kinde nochopo ma yawuot polo obiro e nyim Ruoth Nyasaye, kendo Satan bende ne ni kodgi.

Ayub 1:6 ပူးပေါင်းရင်းမြစ်များ

Chakruok 6:2

yawuot Nyasaye noneno ni nyi dhano beyo kendo negikendo moro amora mane chunygi ogombo.

Chakruok 6:4

Jo-Nefilim ma gin joma robede miwuoro ne nitie e piny e ndalogo kendo kod ndalo maluwe, e kindeno ma yawuot Nyasaye kod nyi dhano nonywomore monywolo nyithindo. Nyithindogo ne thuondi kendo joma ne nigi huma e ndalogo.

1 Ruodhi 22:19

Mikaya nodhi nyime kawacho niya, “Kuom mano winj wach Jehova Nyasaye: Naneno Jehova Nyasaye kobet e kom duongʼne gi jopolo duto kochungʼ molwore, e bade korachwich kendo e bade koracham.

1 Weche mag Ndalo 21:1

Satan ne dwaro hinyo jo-Israel omiyo nosundo Daudi mondo okwan jo-Israel.

2 Weche mag Ndalo 18:20

Mogik, roho marach nobiro mochungʼ e nyim Jehova Nyasaye mowacho ni, ‘Abiro hoye.’ ” Jehova Nyasaye nopenje niya, “Ere kaka ibiro hoye?”

Ayub 2:1

Odiechiengʼ machielo, malaike nochako obiro mondo gichungʼ e nyim Jehova Nyasaye, kendo Satan bende nobiro kodgi.

Ayub 2:3

Eka Jehova Nyasaye nopenjo Satan niya, “Dipo ka iseparo wach moro kuom jatichna Ayub? Onge ngʼat machielo e piny ngima machalo kode nikech olongʼo chuth kendo en ngʼama kare moluora kendo motangʼ ne richo.” Pod osiko mana gi berne mapile, kata obedo ni ne idonjone ira mondo atieke kaonge gimomiyo.

Ayub 38:7

Chiengʼ mane sulwe mokinyi wer kanyakla kendo mane malaike duto kok gimor?

Zaburi 103:20

Pakuru Jehova Nyasaye, un malaikane duto, un joge maroteke matimo kaka odwaro, kendo matimo kaka owacho.

Daniel 3:25

To nodwoko niya, “Neuru! Aneno ji angʼwen kawuotho koni gi koni e mach, ka gin thuolo kendo onge gima ohinyogi, kendo ngʼat mar angʼwen chalo gi wuod nyiseche.”

Zekaria 3:1

Eka ne onyisa Joshua jadolo maduongʼ kochungʼ e nyim malaika mar Jehova Nyasaye, ka Satan ochungʼ e bathe korachwich mondo ohangne wach.

Mathayo 18:10

“Neuru ni ok uchayo achiel kuom jomatindogi. Nimar anyisou ni malaikegi manie polo osiko ka ngʼiyo wangʼ Wuora manie polo. [

Luka 22:31

“Simon, Simon, Satan osekwayo thuolo mondo opiedhi kaka ngano mipiedho.

Luka 3:38

wuod Enosh, wuod Seth, wuod Adam, wuod Nyasaye.

Johana 6:70

Eka Yesu nodwokogi niya, “Donge aseyierou duto karu ji apar gariyo, to kata kamano, ngʼato achiel kuomu en jachien!”