Amos 8:7 - Motingʼo Loko Manyien

⁷ Jehova Nyasaye ma Nyasach joka Jakobo osekwongʼore ni wiye ok nowil gi timbegi maricho.

MUMA MALER 2015

⁷ Jo-Ruoth Nyasaye ma Nyasach joka Jakobo osekuong’ore ni wiye ok nowil gi timbegi maricho.

Amos 8:7 ပူးပေါင်းရင်းမြစ်များ

Ayub 24:23

Onyalo weyogi mi gipar ni gin gi kwe, to wangʼe osiko rangogi kinde duto.

Zaburi 10:11

Owachone en owuon niya, “Nyasaye wiye osewil; opando wangʼe kendo onge gima oneno.”

Zaburi 47:4

Ne oyieronwa girkeni marwa, gik mabeyo mogik ne Jakobo mane ohero. Sela

Zaburi 47:5

Nyasaye oseidho malo ka ji pake gi mor. Jehova Nyasaye osetingʼ malo ka dwond turumbete ywak.

Zaburi 68:34

Landuru teko mar Nyasaye ma nigi duongʼ kuom Israel, kendo ma nigi teko e kor polo.

Wuok 17:16

Nowacho kama, “Nimar bede notingʼ malo e nyim kom duongʼ mar Jehova Nyasaye. Kendo Jehova Nyasaye noked gi jo-Amalek e tienge duto.”

Isaya 22:14

Jehova Nyasaye Maratego osefwenyona ma kawinjo: “Richoni ok nopwodhi nyaka chop thou,” Ruoth Nyasaye ma en Jehova Nyasaye Maratego owacho.

Isaya 43:25

“An kende e jal magolo richou duto kendo ok achak apargi nikech mano e gima ahero timo.

Jeremia 17:1

Jehova Nyasaye wacho niya, “Richo mar Juda ondik gi kalamb chuma; ogor gi gima bith e chunygi, kendo e tunge kende mag misango miwangʼoe liswa.

Jeremia 31:34

Koro ngʼato ok nochak opuonj jabathe, kata nyawadgi kowacho ni, ‘Ngʼe Jehova Nyasaye,’ nikech giduto giningʼeya, kochakore ngʼat matinie moloyo nyaka ngʼat maduongʼie moloyo,” Jehova Nyasaye owacho. “Nimar anawenegi timbegi maricho kendo ok anachak apar richogi kendo.”

Jeremia 44:21

“Uparo ni Jehova Nyasaye ne ok ongʼeyo wach misengini ma un gi kwereu, kod ruodhiu gi jotendu kaachiel gi jopinyu duto ne otimo e miech Juda kendo e yore mag Jerusalem? Koso uparo ni wiye osewil kodgi.

Hosea 7:2

to ok gisefwenyo ni aparo timbegi duto maricho. Richogi oduodogi, kendo ni e wangʼa ndalo duto.

Hosea 8:13

Gichiwo misengni mokelna kendo gichamo ring misenginigo, to Jehova Nyasaye ok mor kodgi. Omiyo sani obiro paro anjawo ma gitimo kendo enokumgi kuom richogi. Ginidogi Misri.

Hosea 9:9

Gisedonjo matut e timbe mag miganga mana ka ndalo mag Gibea. Nyasaye nopar timbegi mamono kendo enokumgi e richogi.

Amos 4:2

Jehova Nyasaye Manyalo Gik Moko Duto osesingore niya, “Ndalo biro chopo ma wasigu noywau gi olope kendo ngʼato ka ngʼato kuomu, nochal mana ka rech ma olowu omako.

Amos 6:8

Jehova Nyasaye Manyalo Gik Moko Duto, ma en Jehova Nyasaye Maratego, osekwongʼore kosingore owuon niya, “Asin gi sunga mar joka Jakobo, kendo asin nyaka gi ohinga mag-gi moger motegno; omiyo abiro chiwo dalagi kod gik moko manie iye e lwet wasigu.”

Luka 2:32

ler mar fweny ne joma ok jo-Yahudi, to mar duongʼ ni jogi Israel.”