Amos 5:24 - Motingʼo Loko Manyien

²⁴ Weuru mondo bura makare ema mondo omol ka pi aora, kendo tim makare ema omol ka aora ma ok dwon.

MUMA MALER 2015

²⁴ Weuru bura makare omol ka pi, kendo tim makare bende omol ka aora ma ok duon.

Amos 5:24 ပူးပေါင်းရင်းမြစ်များ

Ngeche 21:3

Timo gima kare kod mowinjore ema Jehova Nyasaye oyiego moloyo misango.

Isaya 48:18

Ka dine bed ni irito chikena, kwe mari domol mana ka aora, kendo timni makare digingre mana ka apaka mar nam.

Jeremia 22:3

Ma e gima Jehova Nyasaye wacho: Tim gima nikare kendo mowinjore. Res ngʼatno e lwet ngʼama thire, ngʼatno mosemaye. Kik itim marach kata tugo lweny gi jadak, kiye kata mon ma chwogi otho, kendo kik ichwer remo maonge gi wach ka eri.

Ezekiel 45:9

“ ‘Ma e gima Jehova Nyasaye Manyalo Gik Moko Duto wacho: Usedhi mabor moromo, yaye yawuot ruodhi mag Israel! Weuru mahundu mau kendo weuru tiyo ji githuon, to timuru gik ma adier kendo makare. Weuru sando joga, Jehova Nyasaye Manyalo Gik Moko Duto osewacho.

Hosea 6:6

Nimar adwaro ni ukech joweteu, to ok ni uchiwna misango, kendo ngʼeyo Nyasaye ber moloyo misengini miwangʼo pep.

Amos 5:23

Weuru baro wiya gi wendeu mag pak, nikech ok adwar winjo thumbe mugoyogo.

Amos 5:7

Mano en wach manade ka uloko bura makare bedo lit, kendo utuono joga gik monego giyudi.

Mika 6:8

Osenyisi gima ber yaye dhano. To angʼo ma Jehova Nyasaye dwaro ni itim? Odwaro ni iti gadiera kendo iher kecho ji kendo iwuoth mobolore e nyim Nyasachi.