Amos 3:4 - Motingʼo Loko Manyien

⁴ Bende sibuor nyalo ruto e thim ka oonge gi gima ochamo? Bende nyathi sibuor nyalo ngʼur e gono mare kapok oyudo gima ochamo?

MUMA MALER 2015

⁴ Koso sibuor bende ruto e bungu ka onge gima osemako? Kata nyathi sibuor nyalo ng’ur e gono adier, ka onge gima ochamo?

Amos 3:4 ပူးပေါင်းရင်းမြစ်များ

Zaburi 104:21

Sibuoche ruto ka gimanyo chiemo; gimanyo chiembgi kuom Jehova Nyasaye.

Hosea 11:10

Gibiro luwo Jehova Nyasaye, noruti ka sibuor. Kuruto, to nyithinde duto nobi ire katetni kagiwuok yo podho chiengʼ.

Hosea 5:14

Abiro bedo ka sibuor ni Efraim, kaka sibuor malich ni Juda. Abiro kidhogi matindo tindo bangʼe to abiro weyogi. Anatingʼ-gi matergi mabor, maonge ngʼama nyalo resogi.

Amos 1:2

Nowacho niya, “Jehova Nyasaye ruto koa Sayun, kendo dwonde mor koa Jerusalem; lege ma jokwath kwayoe two, kendo wi got Karmel mosebedo ka ngʼich koro ner.”

Amos 3:3

Uparo ni ji ariyo nyalo wuotho kaachiel kapok giwinjore?

Amos 3:5

Koso winyo nyalo moko e obadho nade ka ok ochike gi kudni? Koso obadho dimeki nade kaonge gima otuge?

Amos 3:8

Ka sibuor oruto, to ere ngʼama ok dibed maluor? Kata ere janabi madilingʼ alingʼa ma ok ohulo gima Jehova Nyasaye Manyalo Gik Moko Duto onyise?