Amos 2:14 - Motingʼo Loko Manyien

¹⁴ Joma ongʼeyo ngʼwech sani koro ok bi tony, joma rateke abiro keto bedo mool, bende nyaka jalweny manenore ni ger ok bi konyo ngimane.

MUMA MALER 2015

¹⁴ Jong’uech matek ok notony, kendo joma rateke nobed mool, bende kata mana jolweny mager ok nores ngimagi.

Amos 2:14 ပူးပေါင်းရင်းမြစ်များ

Ayub 11:20

To wenge joma timbegi richo biro jony kendo yore mag tony biro lalnegi; to geno margi biro lal nono.”

Zaburi 33:16

Onge ruoth minyalo reso nikech en gi jolweny mangʼeny; bende onge jakedo manyalo tony nikech tekone ngʼeny.

Eklesiastes 9:11

Gimoro machielo ma bende aseneno e pinyni en ni jongʼwech maringo matek ok yomb e ngʼwech pile, kata joma thuondi e lweny ok lo lweny pile, joma riek ok yud chiemo ma gichamo pile kata joma nigi paro mariek ok bed jo-mwandu, kendo joma ongʼeyo tich ok bed jotelo; to kata kamano hawi marach mako ji duto.

Jeremia 25:35

Onge kama jakwath noring dhiye, jokwadh rombe bende onge kama nopondie.

Jeremia 39:4

Ka Zedekia ruodh Juda kod jolweny duto nonenogi, negiringo giwuok e dala maduongʼno gotieno ka gikalo e rangach man e kind ohinga ariyo man but puoth ruoth, kendo ka gichomo Araba.

Jeremia 9:23

Ma e gima Jehova Nyasaye wacho: “Kik ngʼama riek sungre gi riekone kata ngʼama tek sungre gi tekone, kata ngʼama omewo sungre gi mwandu mage,

Amos 5:9

En ema oketho mier mochiel motegno kendo omuko ohinga mag dala.