3 Johana 1:9 - Motingʼo Loko Manyien

⁹ Ne andiko ni kanisa, to Diotrefes, mohero ketore mondo obed jatelo, ne ok oyie kodwa.

MUMA MALER 2015

⁹ Ne andiko ni jo-Kristo muchokorugo, to Diotrefe, madwaro bet jatendgi, notamore winjo gima wawacho.

3 Johana 1:9 ပူးပေါင်းရင်းမြစ်များ

Mathayo 7:8

Nimar ngʼato ka ngʼato mokwayo imiyo; ngʼato madwaro nwangʼo; kendo ngʼama dwongʼo, noyawne dhoot.

Mariko 9:34

To jopuonjrene nolingʼ ma ok odwoke nikech e yo ne oyudo gigoyo mbaka ni en ngʼa kuomgi maduongʼ moloyo.

Mariko 9:37

“Ngʼato angʼata morwako achiel kuom nyithindo matindogi e nyinga, orwaka An awuon, to bende ngʼato angʼata morwaka ok An ema orwaka, to orwako jal mane oora.”

Luka 9:48

Eka nowachonegi niya, “Ngʼato angʼata morwako nyathi matin-ni e nyinga orwaka, to ngʼama orwaka, orwako jal mane oora. Nimar ngʼat matin mogik kuomu duto en ngʼama duongʼ moloyo.”

Jo-Rumi 12:10

Genreuru ngʼato gi ngʼato gihera mar owete. Ngʼato ka ngʼato mondo odhial nyawadgi moloyo kaka odhialore owuon.

Jo-Kolosai 1:18

En ewi ringruok, ma en kanisa, kendo en ema nokwongo chier koa kuom joma otho mondo obed gi loch kuom gik moko duto.

2 Johana 1:9

Ngʼato mokadho tongʼ, ma ok sik e puonj Kristo, oonge gi Nyasaye, to ngʼat mosiko gi puonj nigi Wuoro kaachiel gi Wuowi.

3 Johana 1:8

Omiyo nyaka wakony joma kamago, mondo wati kaachiel kodgi e tij adiera.