2 Timotheo 4:16 - Motingʼo Loko Manyien

¹⁶ Kane achungʼ e nyim bura, onge ngʼama nodok jakora, to ji duto noweya. Mad Nyasaye kik ket richoni e wigi!

MUMA MALER 2015

¹⁶ E kinde mokwongo mane achung’ie e bura mondo awach wachna, onge ng’ato mane ochwaka, to ji duto noringo oweya. To Nyasaye mondo ong’wonnigi.

2 Timotheo 4:16 ပူးပေါင်းရင်းမြစ်များ

Mariko 14:50

Eka ji duto noweye moringo odhi.

Luka 12:11

“Kokelu e sinagogi, e nyim jodongo gi jotelo, to kik uparru kaka dudwok weche ma odonjnugo, kata gima duwachi,

Johana 16:32

To ndalo biro, kendo osechopo ma unukerue, ka ngʼato ka ngʼato kuomu ringo dok dalane. Unuweya mi adongʼ kenda, kata kamano ok an kenda, nimar Wuora ni koda.

Tich Joote 22:1

“Owetena gi wuonena, koro winjuru wechena manyisou ni aonge ketho.”

Tich Joote 25:16

“Ne anyisogi ni ok en kit jo-Rumi mondo ochiw ngʼato angʼata ne joma odonjone, kapok omiye thuolo mar wacho kore kuom weche modonjnego.

Tich Joote 7:60

Eka nogoyo chonge piny mokok matek niya, “Ruoth, kik ikwan richoni e wigi.” Kane osewacho kamano, to chunye nochot.

1 Jo-Korintho 13:5

Wiye ok tek, ok odwar mare kende, iye ok wangʼ piyo kendo ok omak sadha.

1 Jo-Korintho 9:3

Joma ngʼadona bura to adwoko kama.

2 Jo-Korintho 7:11

Neuru gima kit kuyo mar Nyasaye osenyago e ngimau: osemiyo udoko joma otangʼ mak badhre ni loso weche manie dieru. Koro usin gi timbe mamono; uluoro donjo e richo; uhera kendo ugombo mondo amed konyou e wachno kendo uikoru kumo joma oketho. Koro usepwodhoru udoko maler e wach mane otimore e dieru.

Jo-Filipi 1:17

Joma lando Kristo ka gin-gi ich lit gi miero to timo kamano mondo oyud duongʼ, ka giparo niginyalo medona chandruok ka pod an e od twech.

Jo-Filipi 1:7

En gima kare mondo apar kamano kuomu uduto nikech agenou e chunya; kata ka an e twech kata ka asiro adiera mar Injili kendo ajiwe to un uduto usebedo koda e achiel kuom ngʼwono mar Nyasaye.

2 Timotheo 1:15

Ingʼeyo ni ji duto ma noa e piny Asia oseweya, koda ka Fugelo gi Hermogene.

2 Timotheo 4:10

nimar Dema oseringo oweya modhi Thesalonika nikech nohero pinyni moloyo. Kreske to osedhi e piny Galatia, kendo Tito bende osedhi e piny Dalmatia.

2 Timotheo 4:15

In bende tangʼne, nikech okwedo puonjwa gi tekre duto.

1 Petro 3:15

To miuru Kristo duongʼ ei chunyu kaka Ruoth Maler. Beduru moikore kinde duto mar dwoko ngʼato mopenjou gimomiyo un gi geno ma un-gono. To timuru kamano gi muolo kod luor.