2 Timotheo 2:8 - Motingʼo Loko Manyien

⁸ Injili malando en ni Yesu Kristo ma Nyakwar Daudi ne ochier oa kuom joma otho.

MUMA MALER 2015

⁸ Par ni Wach Maber ma alando en wach Yesu Kristo, ma nyakwar Daudi, mane ochier oa kuom joma otho.

2 Timotheo 2:8 ပူးပေါင်းရင်းမြစ်များ

Mathayo 1:1

Ma e kaka anywola mar Yesu Kristo ma wuod Daudi kendo wuod Ibrahim chalo:

Luka 24:46

Nowachonegi niya, “Ma e gima ondiki: Kristo nyaka ne masira kendo chiengʼ mar adek enochier oa kuom joma otho,

Tich Joote 13:23

“Nyasaye osekelo ni jo-Israel Jawar ma en Yesu, koa e koth Daudi, mana kaka nosingore ni notim.

Tich Joote 2:24

Kata kamano, Nyasaye nochiere oa kuom joma otho, mi ogonye oa e rem malit mar tho, nikech kata mana tho ne ok nyal loye.

Tich Joote 2:30

To kaka ne en janabi, nongʼeyo ni Nyasaye nosesingore e yor kwongʼruok ni enoket achiel kuom nyikwaye e lochne.

Jo-Rumi 16:25

Duongʼ obed ni Nyasaye manyalo miyo uchung motegno kaluwore gi Injili mara kod wach ma alando kuom Yesu Kristo kendo kaluwore gi fweny mar gik mosepandi kuom higni mangʼeny mosekalo,

Jo-Rumi 2:16

Mano notimre e odiechiengʼ ma Nyasaye nomi Yesu Kristo teko mar ngʼado bura kuom gik mopondo manie chuny dhano kaka Injili ma ayalo wacho.

1 Jo-Korintho 15:1

Koro jowetena, adwaro paronu wach Injili mane ayalonu, mi urwako kendo koro uchungoe motegno.

1 Jo-Korintho 15:4

kendo ne oike, bangʼe ochiere oa kuom joma otho chiengʼ mar adek kaluwore gi Ndiko,

2 Jo-Thesalonika 2:14

Mano emomiyo noluongou kane urwako Injili mane wayalonu mondo un bende uyud duongʼ mar Ruodhwa Yesu Kristo.

1 Timotheo 1:11

Puonjno owinjore kod Injili man-gi duongʼ mar Nyasaye mogwedhi, mane oket e lweta.

1 Timotheo 2:7

Mano emomiyo ne oyiera kaka jahul wach kendo kaka jaote. Awacho adier, ok ariambi, kendo an japuonj wach yie madier ne joma ok jo-Yahudi.

2 Timotheo 1:8

Kuom mano kik wiyi kuodi kuom timo nend Ruodhwa kata nenda an Jatichne motwe. To kuom teko mar Nyasaye yie mondo osandi koda nikech Injili,

2 Timotheo 2:7

Par matut kuom gima awacho. Ruoth biro miyi rieko mar winjo tiend weche duto.

Fweny 5:5

To achiel kuom Jodongogo nowachona niya, “We ywak! Nikech Sibuor moa e dhood Juda ma Nyakwar Daudi ema oselocho kendo en ema owinjore elo kitabu modin gi kido abiriyogo.”