2 Timotheo 2:11 - Motingʼo Loko Manyien

¹¹ Ma e wach mar adier: Ka wasetho kode, to wanabed mangima kode bende;

MUMA MALER 2015

¹¹ Nitie wach moro maradier mawacho niya, “Ka wasetho gi Kristo, to wanabed mangima kode bende.

2 Timotheo 2:11 ပူးပေါင်းရင်းမြစ်များ

Johana 14:19

Odongʼ kinde matin to piny ok bi nena kendo. Un to pod ubiro nena, kendo ubiro bedo mangima nikech angima.

Jo-Rumi 6:5

Koseriw-wa kode kamano e thone, to ochuno ni ibiro riwwa kode bende e chierne.

Jo-Rumi 6:8

Koro ka wasetho gi Kristo, wan gi yie ni wabiro bedo mangima kode bende.

2 Jo-Korintho 13:4

Nikech, kuom adier, ne oyie doko manyap kane igure, to koro ongima kuom teko Nyasaye. Mano e kaka wan bende wanyap ka wan kuome, to kuom teko Nyasaye wan roteke kwatiyo kodu.

2 Jo-Korintho 4:10

Kinde duto wawuotho ka watingʼo tho mar Yesu e ringrewa, mondo eka ngima mar Yesu onere e ringrewa.

1 Jo-Thesalonika 4:17

Bangʼ mano, wan ma pod wadongʼ ka wangima noyudhwa kaachiel kodgi mi terwa malo e boche polo mondo warom gi Ruoth e polo. Omiyo wanabed gi Ruoth nyaka chiengʼ.

1 Jo-Thesalonika 5:10

Nothonwa mondo kata ka wangima kata ka watho to wadag kode.

1 Timotheo 1:15

Wach mar adier mowinjore ji oyiego chuth en ni Kristo Yesu nobiro e piny mondo owar joricho, to an e jaricho marachie moloyo joricho duto.

1 Timotheo 3:1

Ma en wach mar adiera ni ka ngʼato oketo chunye mondo obed jatend kanisa to odwaro tich mogen.

Tito 3:8

Wachni en wach madiera. Kendo adwaro ni ijiw wechegi mondo joma oseketo genogi kuom Nyasaye otangʼ mondo gichiwre mar timo gik mabeyo. Gigi gin gik malongʼo chuth, kendo kelo konyruok ne ji duto.