2 Timotheo 1:4 - Motingʼo Loko Manyien

⁴ To ka aparo kaka pi wangʼi ne chwer to chunya gombo neni ahinya mondo abed gi mor mogundho.

MUMA MALER 2015

⁴ Ka aparo kaka pi wang’i nochwer to agombo neni, mondo chunya obed gi mor mogundho,

2 Timotheo 1:4 ပူးပေါင်းရင်းမြစ်များ

Zaburi 126:5

Joma komo kodhi kaywak biro keyo ka wero wende mor.

Isaya 61:3

abiro konyo jogo man-gi lit Sayun, kendo gik mabiro miyogi e magi: ketonegi maua mabeyo kar buru magi bukorego, kendo mor kar lit ma gin-go, kendo chiwo lewni mag pak kar chuny mool. Enoluong-gi ni yiend ober mag tim makare, mopidh gi Jehova Nyasaye, konyiso godo duongʼne.

Jeremia 31:13

Eka jotich ma nyiri nomiel kendo bed mamor, yawuowi matindo kod joma oti machalre. Analok ywakgi obed mor; anahogi kendo anamigi ilo kar kuyo.

Johana 16:22

Kamano un bende sani en sau mar kuyo, to ubiro bedo mamor ka ananeu bangʼe, kendo onge ngʼama nomau mor maru.

Johana 16:24

Nyaka sani pok ukwayo gimoro amora e nyinga. Kwauru to nomiu, eka nubed mamor chuth.

Tich Joote 20:19

Ne atiyo ni Ruoth gi chuny mamuol, kendo gi pi wangʼ, kata obedo ni naneno masiche madongo ka jo-Yahudi chano mondo ohinya.

Tich Joote 20:31

Emomiyo beduru motangʼ! Paruru kaka kuom higni adek ne ok aweyo mak asiemo ngʼato ka ngʼato kuomu odiechiengʼ gotieno, ka pi wangʼa chwer.

Jo-Rumi 1:11

Agombo nenou ahinya mondo apognue mich moko mag chuny mondo ategugo,

Jo-Filipi 1:8

Nyasaye owuon nyalo timo nenda kaka chunya gombou duto ka an-gi hera matut mar Kristo Yesu.

Jo-Filipi 2:26

Osegombo mondo oneu ahinya, kendo chunye chandore nikech nuwinjo ni notuo ahinya.

1 Jo-Thesalonika 2:17

Jowetewa, kane ochunowa ni nyaka wawere kodu kuom kinde machwok (ne wapogore mana e ringruok to ok kuom chuny), omiyo siso mane wan-go mar chako limou osemiyo watemo gi yore duto mondo waneu wangʼ gi wangʼ.

2 Timotheo 4:21

Tem matek mondo ichop ira-ka kapok ndalo chwiri ochopo. Yubulo ooroni mos. Pude gi Lino kod Klaudia, kaachiel gi jowete duto bende jomosi.

2 Timotheo 4:9

Tem matek mondo ibi ira piyo,

1 Johana 1:4

Wandikonu wachni mondo morwa obed mogundho kendo moromo chuth.

Fweny 21:4

Enoywe pi wengegi duto. Tho kata ywak gi nduru kod rem ok nochak obedie kendo ngangʼ, nikech gik machon oserumo.”

Fweny 7:17

Nimar Nyarombo mobedo e kom loch mar Nyasaye nobed jakwadhgi; notelnigi koterogi e sokni mag pi ngima, to Nyasaye noywe pi wangʼ-gi duto.”