2 Timotheo 1:16 - Motingʼo Loko Manyien

¹⁶ Mad Ruoth Nyasaye okech jood Onesiforo nikech nosiko kokonyo chunya kendo wiye ne ok okuot koda kata kane an e od twech.

MUMA MALER 2015

¹⁶ To Ruoth mondo oguedh jood Onesiforo, nikech noduogo chunya ndalo mang’eny, kendo wiye ne ok okuot koda kane an e jela,

2 Timotheo 1:16 ပူးပေါင်းရင်းမြစ်များ

2 Samuel 2:6

Mad Jehova Nyasaye otimnu ngʼwonone gi adierane makare, kata an bende abiro timonu tim ngʼwonono machal kamano nikech ma musetimo.

Nehemia 13:14

Yaye Nyasacha, para kuom ma kendo kik wiyi wil gi gik masetimone odi gadiera gi tijeni duto.

Nehemia 13:22

Bangʼe ne achiwo chik ne jo-Lawi mondo opwodhre kendo gidhi girit rangeye mondo gimi chiengʼ Sabato obed maler. Yaye Nyasacha, para ema bende, kendo itimna ngʼwono kaluwore gi herani maduongʼ.

Nehemia 13:31

Bende ne achiwo thuolo mar chiwo mar yien e seche mowal, kendo bende ne olembe mokwongo. Yaye Nyasacha, para gi ngʼwono.

Nehemia 5:19

Yaye Nyasacha, para gi ngʼwono kuom gik masetimone jogi,

Zaburi 18:25

Ne joma jo-adiera, inyisori kaka ja-adiera, kendo ne joma longʼo, inyisori kaka ngʼama longʼo,

Zaburi 37:26

Kinde duto gingʼwon kendo giholo ji gigegi nono; nyithindgi ibiro gwedhi.

Jeremia 39:17

Jehova Nyasaye wacho ni enoresi odiechiengʼno, ok nochiwi ne jogo miluoro.

Mathayo 25:17

Kamano bende, ngʼat mane omi talanta ariyo noyudo ariyo ewi mane omiye.

Mathayo 5:7

Joma kecho ji gin joma ogwedhi, nimar ibiro kechgi.

Tich Joote 21:33

Jatelono nobiro momako Paulo, kendo nogolo chik mondo otweye gi nyoroche ariyo. Bangʼe nopenjogi niya, “Ngʼatni en ngʼa? To osetimo angʼo?”

Tich Joote 28:20

Mano emomiyo asekwayo mondo ubi awuoye kodu matin. En mana nikech geno mar jo-Israel emomiyo otweya gi nyororo.”

1 Jo-Korintho 16:18

Negidwogo chunya, kaachiel kod un bende. Joma kamago onego omi duongʼ.

Jo-Efeso 6:20

momiyo an jambetre motwe. Lamuru mondo awuo kuome gi chir kaka owinjore atim.

2 Timotheo 1:12

Mano emomiyo asandora kama. To wiya ok kuodi, nikech angʼeyo Jal ma aseyie kuome, kendo angʼeyo chutho ni onyalo rito ngimana gi chunya ma asechiwone nyaka ndalo nogono.

2 Timotheo 1:17

To kane ochopo Rumi ne omanya matek nyaka nonwangʼa.

2 Timotheo 1:18

Ingʼeyo maber kaka nokonya e yore mathoth e dala ma e Efeso. Akwayo mondo Ruoth okeche e odiechiengʼno mar Ruoth.

2 Timotheo 1:8

Kuom mano kik wiyi kuodi kuom timo nend Ruodhwa kata nenda an Jatichne motwe. To kuom teko mar Nyasaye yie mondo osandi koda nikech Injili,

2 Timotheo 4:19

Mosna Priskila gi Akula, kod jood Onesiforo.

Filemon 1:20

Gima agombo maduongʼ, owadwa, en ni mondo iyie itimna ngʼwono kuom Ruoth, kidwogo chunya kuom Kristo.

Filemon 1:7

Hera ma in-go osemiya mor maduongʼ kendo osejiwa, nikech in, owadwa mahero, isedwogo chunje jomaler.

Jo-Hibrania 10:34

Chunyu ne sandore kaachiel gi joma otwe nikech Kristo, kendo numor kimayou giu githuon nikech nungʼeyo ni un uwegi un gi mwandu mabeyo moloyo kendo mosiko.

Jo-Hibrania 6:10

Nyasaye en ja-adiera, omiyo wiye ok nyal wil gi tich maru kaachiel gihera musenyiso kukonyo joge, kendo ma pod udhi nyime kutimo.

Ruth 1:8

Eka Naomi nowachone mond yawuote ariyo niya, “Doguru, ngʼato ka ngʼato kuomu, nyaka ute mineu. Mad Jehova Nyasaye timnu ngʼwono, mana kaka usetimo ne chwou mosetho kendo ne an bende.