2 Samuel 9:6 - Motingʼo Loko Manyien

⁶ Kane Mefibosheth wuod Jonathan, ma wuod Saulo, obiro ir Daudi, nokulore piny komiye duongʼ. Daudi noluonge niya, “Mefibosheth!” Nodwoke niya, Ee, en an jatichni.

MUMA MALER 2015

⁶ Kamano Mefibosheth wuod Jonathan, ma wuod Saulo nobiro ir Daudi, mogoyo chonge piny nyaka e lowo. Daudi noluonge niya, “Mefibosheth.” Mi nodwoke ni, “Antie ruoth.”

2 Samuel 9:6 ပူးပေါင်းရင်းမြစ်များ

Chakruok 18:2

Ibrahim notingʼo wangʼe malo kendo noneno ji adek machwo kochungʼ bute. Kane onenogi, noringo matek koa e dho hema mondo oromnegi kendo nopodho piny auma e nyimgi.

Chakruok 33:3

Jakobo owuon notelo nyimgi mi opodho auma nyadibiriyo e nyim Esau owadgi.

2 Samuel 1:7

Kane olokore monena, noluonga, mine apenje ni, Angʼo midwaro mondo atim?

2 Samuel 16:4

Eka ruoth nowachone Ziba niya, “Gik moko duto ma mag Mefibosheth koro gin magi.” Ziba nowachone niya, “Erokamano. Mad ayud ngʼwono e wangʼ ruodha ma en ruoth.”

2 Samuel 21:7

To ruoth ne ongʼwono ma ok ochiwo Mefibosheth wuod Jonathan, ma wuod Saulo, nikech singruok mane Daudi gi Jonathan wuod Saulo otimo e nyim Jehova Nyasaye.

2 Samuel 4:4

Jonathan wuod Saulo ne nigi wuowi mane tiendene ariyo duto ongʼol. Ne en ja-higni abich kane wach Saulo gi Jonathan obiro koa Jezreel. Japite ne okawe mi oringo, kane orikni mondo owuogi nyathi nogore piny mobet rangʼol. Nyinge ne en Mefibosheth.

2 Samuel 9:5

Omiyo ruoth nochiko mondo okele kigole Lo Debar e od Makir wuod Amiel.

1 Weche mag Ndalo 8:34

Wuod Jonathan ne en: Merib-Baal mane wuon Mika.

1 Weche mag Ndalo 9:40

Wuod Jonathan ne en: Merib-Baal mane wuon Mika.

1 Samuel 20:41

Bangʼ ka wuowino nosedhi, Daudi nowuok yo milambo mar dir kidi, mi okulore piny e nyim Jonathan nyadidek ka lend wangʼe mulo piny. Eka ne gimosore ma giywak giduto to Daudi noywak moloyo.

1 Samuel 25:23

Kane Abigael oneno Daudi nolor piyo koa e pundane mane oidho mine mokulore e nyim Daudi nyaka e lowo.