2 Samuel 9:3 - Motingʼo Loko Manyien

³ Eka ruoth nopenje niya, “Onge ngʼat ma dipo kodongʼ e dhood Saulo ma anyalo timo ne tim ngʼwono mar Nyasaye?” Ziba nodwoko ruoth kowacho niya, “Nitie wuod Jonathan; to tiendene duto ongʼol.”

MUMA MALER 2015

³ Ruoth nomedo penje ni, “Dipo kodong’ie ng’at moro ma ja dhood Saulo, mondo atimne maber, kaka Nyasaye dwaro?” Ziba nodwoko ruoth niya, “Wuod Jonathan moro pod nitie, ma tiendene ong’ol”

2 Samuel 9:3 ပူးပေါင်းရင်းမြစ်များ

2 Samuel 19:26

Nodwoke niya, “Ruodha ma en ruoth, nikech jatichni en rangʼol, ne awacho ni, ‘Abiro ikoni pundana mondo otingʼa adhi gi ruoth.’ To Ziba ma jatija nondhoga.

2 Samuel 19:27

Kendo oseketho nying jatichni ni ruodha ma en ruoth. Ruodha ma en ruoth chal ka malaika mar Nyasaye; omiyo tim atima gima ineno ni berni.

2 Samuel 4:4

Jonathan wuod Saulo ne nigi wuowi mane tiendene ariyo duto ongʼol. Ne en ja-higni abich kane wach Saulo gi Jonathan obiro koa Jezreel. Japite ne okawe mi oringo, kane orikni mondo owuogi nyathi nogore piny mobet rangʼol. Nyinge ne en Mefibosheth.

2 Samuel 9:13

Kendo Mefibosheth nodak Jerusalem nikech ne ochiemo pile e mesa ruoth, to tiendene ariyo ne ongʼol.

2 Samuel 9:7

Daudi nowachone niya, “Kik iluor, nimar gadiera abiro timoni tim ngʼwono nikech wuonu Jonathan. Abiro dwokoni puothe duto mane mag kwaru Saulo, kendo inichiem e mesana kinde duto.”

Luka 6:36

Beduru mangʼwon, mana kaka Wuonu ngʼwon.

Rapar mar Chik 10:15

Kata kamano Jehova Nyasaye norito kwereu nimar noherogi mi bangʼe noyiero mana un, nyikwagi e dier ogendini mamoko duto mondo ubed joge mana kaka pod un nyaka chil kawuono.

Rapar mar Chik 4:37

Nikech ne ohero kwereu mi oyiero nyikwagi bangʼ-gi, ne ogolou Misri en owuon kod tekone maduongʼ,