2 Samuel 7:9 - Motingʼo Loko Manyien

⁹ Asebedo kodi kuonde duto misedhiye, kendo asetieko wasiki duto e nyimi. Koro abiro miyo nyingi bed maduongʼ kaka humb jomadongo manie piny.

MUMA MALER 2015

⁹ Asebet kodi kuonde duto midhiye, kendo asetiekoni wasiki duto. Koro abiro miyo nyingi bedo gi huma maduong’, ka humb joma dongo mag piny,

2 Samuel 7:9 ပူးပေါင်းရင်းမြစ်များ

Chakruok 12:2

“Anaketi oganda maduongʼ kendo anagwedhi; anami nyingi bed gi huma, kendo anami ibed gweth ne ji.

2 Samuel 22:1

Kane Jehova Nyasaye osereso Daudi e lwet wasike duto kod e lwet Saulo, Daudi nowerne Jehova Nyasaye kopake gi weche mag wendni.

2 Samuel 22:30

Ka ikonya to anyalo loyo jolweny momonja; ka an gi Nyasacha to anyalo lwenyo ohinga.

2 Samuel 22:43

Ne agoyogi ma giregore ka buru mayom mar lowo; nanyonogi mawuotho kuomgi ka chwodho man e yo.

2 Samuel 23:1

Magi e weche Daudi mogik: Weche mag Daudi wuod Jesse, weche ngʼat motingʼ malo gi Ngʼat Mamalo Mogik, ngʼat mowir gi Nyasach Jakobo, jawer wende mag Israel.

2 Samuel 5:10

Kendo nomedo bedo gi teko ahinya, nikech Jehova Nyasaye Maratego ne ni kode.

2 Samuel 8:13

Kendo Daudi humbe nolandore koa nego jo-Edom alufu apar gaboro e Holo mar Chumbi.

2 Samuel 8:14

Bangʼe noketo kambi askeche e piny Edom duto, mi jo-Edom nobedo e bwo loch Daudi. Kamoro amora ma Daudi nodhiye Jehova Nyasaye nomiye loch.

2 Samuel 8:6

Noketo kambi mag jolwenje e dala maduongʼ mar Damaski e piny jo-Aram kendo jo-Aram nobedo e bwo lochne kendo negikelone osuru. Jehova Nyasaye nomiyo Daudi olocho kamoro amora mane odhiye.

1 Weche mag Ndalo 17:8

Asebedo kodi kuonde duto misedhiye, kendo asetieko wasiki duto e nyimi. Koro abiro miyo nyingi bed kaka humb jomadongo manie piny.

Zaburi 21:6

Adier, isemiye gweth mochwere kendo isemiyo obedo mamor gi mor moa kuomi.

Zaburi 89:23

Abiro tieko chuth joma kedo kode koneno gi wangʼe, kendo abiro goyo wasike duto piny.

Luka 1:52

Osegolo ruodhi e kombegi to osetingʼo malo joma muol.

Joshua 6:27

Omiyo Jehova Nyasaye ne nigi Joshua kendo humbe nolandore e pinyno duto.

1 Samuel 18:14

Gik moko ne dhi kode maber e gimoro amora mane otimo nikech Jehova Nyasaye ne ni kode.

1 Samuel 18:30

Jotend lweny mag jo-Filistia ne medo dhi e lweny, kendo kaka negimedo dhi e kaka Daudi bende ne locho moloyo jotelo mamoko mag Saulo kendo nomedo ngʼere.

1 Samuel 2:8

Otingʼo jachan malo kogolo e buru kendo otingʼo ngʼama odhier malo kogolo e ipidh yugi; omiyo gibedo kaachiel gi yawuot ruodhi bende omiyo gibedoe kombe moyiedhi. “Nimar mise mag piny gin mag Jehova Nyasaye, kanyo ema oserenjoe piny ngima.

1 Samuel 31:6

Kamano Saulo gi yawuote adek gi jatingʼne gige lweny kod joode duto notho kaachiel e odiechiengʼno.

1 Samuel 5:10

Omiyo ne gitero Sandug Muma mar Nyasaye Ekron. Kane Sandug Muma mar Nyasaye nidonjogo Ekron, jo-Ekron noywak kawacho niya, “Gisekelo Sandug Muma mar Nyasach jo-Israel kuomwa mondo onegwa kaachiel gi jowa.”