2 Samuel 6:16 - Motingʼo Loko Manyien

¹⁶ E kinde mane Sandug Muma mar Jehova Nyasaye donjo e Dala Maduongʼ mar Daudi, Mikal nyar Saulo nongʼicho gie dirisa. Kendo kane oneno Ruoth Daudi kachikore kendo miel aduwa e nyim Jehova Nyasaye, nochaye gi chunye.

MUMA MALER 2015

¹⁶ Kane Sanduk mar Ruoth Nyasaye ochopo e dala Daudi, Mikal nyar Saulo nong’icho gie dirisa, moneno ruoth Daudi ka chikore kendo miel aduwa e nyim Ruoth Nyasaye, mi nochaye gi chunye.

2 Samuel 6:16 ပူးပေါင်းရင်းမြစ်များ

2 Samuel 3:14

Eka Daudi nooro joote ir Ish-Boseth wuod Saulo konyise niya, “Miya Mikal chiega mane anywomo an awuon gi ringre jo-Filistia mia achiel.”

2 Samuel 5:7

To kata kamano Daudi noloyogi mokawo ohinga mar Sayun, ma en Dala Maduongʼ mar Daudi.

2 Samuel 6:15

e kinde ma en kaachiel gi dhood Israel duto, nokelo Sandug Muma mar Jehova Nyasaye gi mahu ka igoyo tungʼ.

2 Samuel 6:20

Kane Daudi odok dala mondo ogwedh joode, Mikal nyar Saulo nowuok mondo oromne mowachone niya, “Mano kaka ruodh Israel nomiyore duongʼ kawuono koelore duk e nyim wasumbini ma nyiri mag jotije mana kaka dhano adhana nyalo timo!”

1 Weche mag Ndalo 15:29

Kane Sandug Muma mar singruok mar Jehova Nyasaye ochopo e Dala Maduongʼ mar Daudi, ne oyudo ka Mikal nyar Saulo ne ngʼicho gie dirisa. To ka noneno Ruoth Daudi kamiel kendo tugo komor, nochaye gie chunye.

Zaburi 123:3

Yie ikechwa, yaye Jehova Nyasaye, yie ikechwa, nikech osechawa gi kinda.

Zaburi 69:7

Nimar ji yanya to alingʼ alingʼa nikech in, kendo wichkuot obako lela wangʼa.

Isaya 53:3

Ne ojare mokwede gi oganda, en ngʼat mane neno chandruok mangʼeny, kendo mosiko kawinjo rem. Ji nojare kendo wan bende ne ok wamiye luor, mana ka ngʼama ok dwar neno.

Tich Joote 2:13

To jomoko kuomgi nojarogi kawacho niya, “Jogi osemadho kongʼo mangʼeny momerogi.”

1 Jo-Korintho 2:14

To ngʼat ringruok ok nyal rwako gik moa kuom Roho mar Nyasaye, nikech onenogi kaka fuwo kendo ok onyal winjo tiendgi, nikech iwinjogi kuom Roho.

1 Samuel 18:17

Saulo nowachone Daudi niya, “Ma en Merab nyara maduongʼ. Abiro miyigo mondo ikende; to mana ka inyalo kedona gi chir ka ikedo lwenje mag Jehova Nyasaye.” Nimar Saulo nowacho e chunye niya, “Ok abi keto lweta kuome. We jo-Filistia ema otim mano!”

1 Samuel 18:20

Koro Mikal nyar Saulo nohero Daudi, omiyo kane ginyiso Saulo wachno, to Saulo nobedo mamor.