2 Samuel 24:24 - Motingʼo Loko Manyien

²⁴ To ruoth nodwoko Arauna niya, “Ooyo, nyaka achuli. Ok abi timo ne Jehova Nyasaye ma Nyasacha misango miwangʼo pep gi gik mayudo nono.” Omiyo Daudi nochulo fedha madirom nus kilo kongʼiewogo laru mar dino kaachiel gi rwedhi.

MUMA MALER 2015

²⁴ To ruoth nodwoke ni, “Ooyo, nyaka achuli, nikech ok natim ni Ruoth Nyasaye ma Nyasacha misengni gi gik mayudo nono.” Omiyo Daudi nochulo fedha ma dirom nus kilo, kong’iewogo kar dino kaachiel gi ruedhigo.

2 Samuel 24:24 ပူးပေါင်းရင်းမြစ်များ

Chakruok 23:11

Nowachone niya, “Ooyo ruodha, winja, amiyi puodho, kendo amiyi bur man kanyo. Amiyigo e nyim jowagi duto mondo iyikie ngʼati motho.”

Chakruok 23:13

kendo nowacho ne Efron ka giwinjo niya, “Ka iyie to winja. Abiro chulo nengo mar puodhono. Yie achuli mondo mi aik ngʼata kanyo.”

Chakruok 23:16

Ibrahim noyie gi dwaro mar Efron kendo nomiye nengo mar puodho mane osewacho ka jo-Hiti winjo: ma en kilo angʼwen gi nus mar fedha kaluwore gi rapim mane jo-ohala tiyogo.

1 Weche mag Ndalo 21:1

Satan ne dwaro hinyo jo-Israel omiyo nosundo Daudi mondo okwan jo-Israel.

1 Weche mag Ndalo 22:1

Bangʼe Daudi nowacho niya, “Ma e kama od Jehova Nyasaye ma Nyasaye nobedie, kendo kae ema jo-Israel nogerie kendo mar misango miwangʼo pep.”

Jo-Rumi 12:17

Kik uchul ngʼato angʼata rach kar rach. Neuru ni utimo gima ji duto oyiego ni ber.