2 Samuel 23:3 - Motingʼo Loko Manyien

³ Nyasach Israel nowuoyo; Lwanda mar Israel nowachona ni: Ka ngʼato otelo ni ji e yo makare, kendo ka olocho koluoro Nyasaye,

MUMA MALER 2015

³ Nyasach Jakobo, lwanda mar Israel, oseloso, kowacho niya, ‘Ka ruoth rito ji gi bura makare, nikech oluoro Nyasaye,

2 Samuel 23:3 ပူးပေါင်းရင်းမြစ်များ

Chakruok 33:20

Kanyo ema nogeroe kendo mar misango kendo nochake ni El-Elohe-Israel (tiende ni Nyasaye ma Nyasach Israel).

2 Samuel 22:32

Ere Nyasaye moro makmana Jehova Nyasaye? Kendo en ngʼatno ma en Lwanda makmana Nyasachwa?

2 Samuel 8:15

Daudi nobedo ruodh jo-Israel duto, kotimo maber kendo makare ni joge duto.

1 Ruodhi 10:9

Pak odogne Jehova Nyasaye ma Nyasachi mosebedo mamor kodi moketi e kom loch mar Israel. Nikech hera mosiko mar Jehova Nyasaye ni jo-Israel oseketi ruoth mondo irit bura kendo ingʼade gadiera kod tim makare.”

Nehemia 5:14

To bende kochakore e higa mar piero ariyo mar loch Ruoth Artaksases, e ndalo mane oyiera jatelo e piny Juda, nyaka ochopo e hike mar piero adek gariyo, ma duto ne gin higni apar gariyo, an kod owetena ne ok wachamo chiemo mane opog ne jatelo.

Ayub 34:17

Ngʼama ochayo adiera bende nyalo rito loch adier? Ere gimomiyo iketo bura kuom ngʼama ja-ratiro kendo Jal Maratego?

Zaburi 110:2

Jehova Nyasaye biro yaro lochni chakre Sayun; ibiro bedo gi loch e dier wasiki.

Zaburi 42:9

Awacho ni Nyasaye ma lwandana niya, “Angʼo momiyo wiyi osewil koda? Angʼo momiyo asiko gi kuyo ka jawasigu sanda?”

Zaburi 72:1

Sidh ne ruoth adiera mari, yaye Nyasaye, sidh ne wuod ruoth timni makare.

Zaburi 72:2

Obiro ngʼado ne jou bura makare, obiro kelo adiera ne jou masandore.

Wuok 18:21

To nyaka iyier joma niginyalo ma gin ji moluoro Nyasaye, joma ogen ma ok kaw asoya, kendo iketgi gibed jotend ji maromo alufu alufu, mia mia, piero abich abich, kod apar apar.

Wuok 20:2

“An e Jehova Nyasaye ma Nyasachu mane ogolou e piny Misri, ka uwuok e piny mane unie wasumbini.

Wuok 3:15

Nyasaye nowacho ne Musa kendo niya, “Nyis jo-Israel kama, ‘Jehova Nyasaye ma Nyasach kwereu, kendo ma Nyasach Ibrahim gi Nyasach Isaka kendo Nyasach Jakobo; oseora iru.’ “Ma e nyinga manyaka chiengʼ, ma en nying manyaka parago, kuom tiengʼ ka tiengʼ.

Ngeche 31:9

Wuo kendo ngʼad bura kare, chwak ratich jogo ma jochan kod jogo mochando.

Isaya 32:1

Winjuru, Ruoth nobed gi loch makare kendo jotelo nobed gi telo mar adier.

Jeremia 23:5

Jehova Nyasaye wacho niya, “Kinde biro ma anami Daudi Bad Yath makare, Ruoth manobed gi loch mar rieko kendo tim gima kare kendo ratiro e piny.

Zekaria 9:9

Bed gi ilo maduongʼ, yaye nyar Sayun! Kog matek, yaye Nyar Jerusalem! Ne, Ruodhi biro iri gi tim makare, kolocho, kobolore, kendo koidho kanyna, kanyna matin, adier en mana nyathi punda.

Rapar mar Chik 32:4

En Lwanda, tijene ler kendo yorene duto nikare; Nyasaye ma ok tim marach, ngʼat modimbore kendo makare.

Jo-Hibrania 1:8

To kuom Wuowi to owuoye niya, “Lochni nosik nyaka chiengʼ, yaye Nyasaye, kendo tim makare ema nobed kaka ludh loch e pinyruodhi.