2 Samuel 23:14 - Motingʼo Loko Manyien

¹⁴ E kindeno Daudi nopondo e rogo kendo jo-Filistia to nochokore Bethlehem.

MUMA MALER 2015

¹⁴ Kindego Daudi ne nie rogo, to jolweny mag jo-Filistia nosekawo Bethlehem.

2 Samuel 23:14 ပူးပေါင်းရင်းမြစ်များ

Chakruok 35:19

Kuom mano Rael notho kendo nokunye e yo madhi Efrath (ma tiende ni Bethlehem).

2 Samuel 5:17

Kane jo-Filistia owinjo ni Daudi osewir bedo ruodh jo-Israel, negiwuok kar rombgi, mondo gidware, to Daudi nowinjo wachno omiyo nowuok modhi kama ochiel motegno.

1 Weche mag Ndalo 12:16

To joka Benjamin mamoko gi jo-Juda mamoko bende nobiro ir Daudi e kare mar pondo.

1 Samuel 10:5

“Bangʼ mano ibiro dhi Gibea miluongo ni Got mar Nyasaye kama nitie kambi mar jo-Filistia. Ka ichopo machiegni gi dala to ibiro romo gi oganda jonabi kalor koa kar lemo kotelnegi gi joma goyo orutu, gi tamborin, asili gi nyatiti, kendo jonabi biro biro ka gikoro wach.

1 Samuel 13:23

Koro jolwenj jo-Filistia nosekadho modhi Mikmash.

1 Samuel 13:4

Omiyo jo-Israel duto nowinjo wach ni Saulo osemonjo kambi jo-Filistia kendo koro jo-Filistia oselo gi jo-Israel. Mine oluong ji mondo odhi ir Saulo Gilgal.

1 Samuel 14:6

Jonathan ne owacho ne wuowi matingʼo gige lwenje niya, “Bi mondo waidh wadhi e kambi joma ok oter nyangugi. Kamoro dipo ka Jehova Nyasaye nyalo tiyo kodwa. Onge gima nyalo tamo Jehova Nyasaye reso kata ka gin ji mangʼeny kata ka gin ji manok.”

1 Samuel 22:1

Daudi nowuok Gath moringo odhi e rogo mar Adulam. Kane owetene kod joodgi duto owinjo wachno, negidhi ire kuno.

1 Samuel 24:22

Omiyo Daudi nosingore ne Saulo. Eka Saulo nodok dala, to Daudi gi joge nodhi e kargi mar pondo.